ການນຳຫວຽດນາມພົບປະກັບຜູ້ມີສິດເລືອກຕັ້ງ
ທ່ານນາຍົກລັດຖະມົນຕີ ຫງວຽນເຕີນຢູງ
ພົບປະກັບຜູ້ມີສິດເລືອກຕັ້ງນະຄອນຫາຍຟ່ອງ
ພາບ:internet
|
(vovworld)- ເພື່ອກະກຽມໃຫ້ແກ່ກອງປະຊຸມສະໄຫມສາມັນເທື່ອທີ 8 ສະພາແຫ່ງຊາດຫວຽດນາມ ຊຸດທີ 13, ຕອນເຊົ້າວັນທີ 3/10, ທ່ານນາຍົກລັດຖະມົນຕີ ຫງວຽນເຕີນຢູງ ແລະ ຄະນະສະມາຊິກສະພາແຫ່ງຊາດ ນະຄອນ ຫາຍຟ່ອງ ໄດ້ພົບປະກັບຜູ້ມີສິດເລືອກຕັ້ງ ເມືອງ ກຽນອານ. ທີ່ການພົບປະ, ບັນດາຜູ້ມີສິດເລືອກຕັ້ງໄດ້ຍົກໃຫ້ເຫັນຫລາຍຂໍ້ສະເຫນີຄື: ຊຸກຍູ້ພາລະກິດສ້າງສາ ແລະ ພັດທະນາເສດຖະກິດສັງຄົມຂອງປະເທດຊາດກວ່າອີກ, ປົກປັກຮັກສາເອກະລາດ, ອະທິປະໄຕ, ຜືນແຜນດິນຂອງປະເທດຊາດ, ຍົກສູງຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນໃຫ້ດີກວ່າ. ທ່ານນາຍົກລັດຖະມົນຕີ ຮັບເອົາຄຳເຫັນຂອງບັນດາຜູ້ມີສິດເລືອກຕັ້ງ ແລະ ແຈ້ງສະພາບການເສດຖະກິດສັງຄົມຂອງປະເທດຊາດ. ທ່ານນາຍົກລັດຖະມົນຕີ ສະເຫນີນະຄອນ ຫາຍຟ່ອງ ສືບຕໍ່ເອົາໃຈໃສ່ ດຶງດູດແຫລ່ງກຳລັງໃຫ້ແກ່ການລົງທຶນພື້ນຖານໂຄງລ່າງເສດຖະກິດສັງຄົມ.
ແລະກໍໃນຕອນເຊົ້າວັນດຽວກັນ, ທ່ານປະທານສະພາແຫ່ງຊາດຫວຽດນາມ ຫງວຽນຊີງຮຸ່ງ ແລະ ທ່ານຮອງປະທານສະພາແຫ່ງຊາດ ຮີ່ງງອກເຊີນ ໄດ້ພົບປະກັບຜູ້ມີສິດເລືອກຕັ້ງນະຄອນ ຮ່າຕິງ ແລະ ດາຫນັງ.
ທີ່ການພົບປະກັບນະຄອນ ຮ່າຕິງ, ທ່ານປະທານສະພາແຫ່ງຊາດ ຫງວຽນຊີງຮຸ່ງສະເຫນີ ແຂວງ ຮ່າຕີ້ງ ແລະ ເມືອງ ເກີມຊວຽນ ສືບຕໍ່ກວດກາ ແລະ ເພີ່ມທະວີການຜັນຂະຫຍາຍບັນດານະໂຍບາຍຮັບປະກັນຊີວິດສັງຄົມ, ນະໂຍບາຍທີ່ມີຕໍ່ຜູ້ມີຄຸນງາມຄວາມດີຕໍ່ການປະຕິວັດ.
ສ່ວນທີ່ການພົບປະກັບນະຄອນ ດາຫນັງ, ທ່ານຮອງປະທານສະພາແຫ່ງຊາດ ຮີ່ງງອກເຊີນ ແລະ ຄະນະສະມາຊິກສະພາແຫ່ງຊາດ ນະຄອນ ດາຫນັງ ໄດ້ພົບປະກັບຜູ້ມີສິດເລືອກຕັ້ງບັນດາເມືອງ ຫາຍເຈົາ, ແທງເຄ, ເຊີນຈ່າ ແລະ ເກີມເລ້. ທ່ານຮອງປະທານສະພາແຫ່ງຊາດ ໃຫ້ຮູ້ວ່າ: ທີ່ກອງປະຊຸມຄັ້ງຈະມາເຖິງ, ສະພາແຫ່ງຊາດ ຈະປຶກສາຫາລື ຮ່າງກົດໝາຍ 30 ສະບັບ ແລະ ຮັບຮອງເອົາຮ່າງກົດໝາຍສຳຄັນ 17 ສະບັບ.