ສື່ມວນຊົນສາກົນໄດ້ໃຫ້ຂ່າວວ່າ ວັນທີ 30 ພຶດສະພາ ໄດ້ເກີດເຫດບຸກໂຈມຕີດ້ວຍລູກຈະຫຼວດ ຢູ່ນອກຖານທີ່ໝັ້ນດ້ານການທະຫານ, ເຊິ່ງແມ່ນແຫ່ງທີ່ບັນດານັກຊ່ຽວຊານ ແລະ ອົງການທະຫານຂອງ ອາເມລິກາ ປະຈຳແຂວງ Anbar, ທາງທິດຕາເວັນຕົກປະເທດ ອີຣັກ ເຮັດວຽກ. ນາຍທະຫຼາຍຄົນໜຶ່ງຢູ່ສູນບັນຊາການບັນດາບັ້ນຮົບ Anbar ຢັ້ນຢືນວ່າ ມີລູກຈະຫຼວດ 3 ລູກໄດ້ຕົກໃກ້ກັບຖານທີ່ໝັ້ນດ້ານການທະຫານ Ayn al Asad, ຕິດກັບເທດສະບານເມືອງ al Baghdadi, ຫ່າງຈາກນະຄອນຫຼວງ Baghdad ໄປທາງທິດຕາເວັນຕົກສ່ຽງເໜືອປະມານ 190 ກມ, ແຕ່ບໍ່ກໍ່ຄວາມບາດເຈັບລົ້ມຕາຍໃດໆ. ແຫຼ່ງຂ່າວໃຫ້ຮູ້ຕື່ມອີກວ່າ, ພາຍຫຼັງເຫດບຸກໂຈມຕີ ບັນດາກຳລັງປ້ອງກັນຄວາມສະຫງົບ ອີຣັກ ໄດ້ຊອກເຫັນຫຼາຍຖານຍິງລູກຈະຫຼວດຢູ່ເຂດນອກເທດສະບານ Haditha, ຫ່າງຈາກນະຄອນຫຼວງ Bagdad ໄປທາງທິດຕາເວັນຕົກສ່ຽງເໜືອປະມານ 210 ກມ.