ການປະຊຸມຂອງຄະນະກຳມະການປະຕິບັດງານຮ່ວມຫວຽດນາມ-ຟິລີບປີນກ່ຽວກັບຄູ່ຮ່ວມມືຍຸດທະສາດ
ທ່ານຮອງນາຍົກລັດຖະມົນຕີ ຫວຽດນາມ ຟ້າມບີງມີງ
ພາບ: vnmedia.vn |
(vovworld)- ໂດຍໄດ້ຮັບຄຳເຊີນຂອງທ່ານ Albert del Rosario, ລັດຖະມົນຕີການຕ່າງປະເທດ ຟີລີບປີນ, ທ່ານຮອງນາຍົກລັດຖະມົນຕີ, ທັງເປັນລັດຖະມົນຕີການຕ່າງປະເທດຫວຽດນາມ ຟ້າມບີງມີງ ເປັນປະທານຮ່ວມກອງປະຊຸມຂອງຄະນະກຳມະການປະຕິບັດງານຮ່ວມ ຫວຽດນາມ -ຟີລີບປີນ ກ່ຽວກັບຄູ່ຮ່ວມມືຍຸດທະສາດ ຊື່ງດຳເນີນໄປໃນວັນທີ 29-30/1/2015. ທີ່ກອງປະຊຸມ, ລັດຖະມົນຕີທັງສອງທ່ານ ໄດ້ປຶກສາຫາລືກ່ຽວກັບວິວັດການ ແລະ ເປັນເອກະພາບ ບັນດາເນື້ອໃນຕົ້ນຕໍເພື່ອສືບຕໍ່ຍື່ນສະເຫນີເຖິງການນຳຂັ້ນສູງສອງປະເທດພິຈາລະນາ, ກ້າວໄປເຖິງການສ້າງການພົວພັນຄູ່ຮ່ວມມືຍຸດທະສາດ ເນື່ອງໃນໂອກາດການຢ້ຽມຢາມຂັ້ນສູງໄລຍະຈະມາເຖິງ. ນອກນັ້ນສອງຝ່າຍ ກໍເຫັນດີຜັນຂະຫຍາຍບັນດາຂໍ້ຕົກລົງຮ່ວມມືທີ່ໄດ້ລົງນາມ ກ່ຽວກັບອາຊີບຫາປາ, ການຮ່ວມມືກູ້ໄພກູ້ຊີບ ແລະ ການຮັບມືກັບກໍລະນີນ້ຳມັນຖືກຮົ່ວໄຫລຢູ່ທະເລ.