(vovworld) - ລັດຖະບານຈະປະກາດໃຊ້ມະຕິຫົວເລື່ອງສະເພາະ ກ່ຽວກັບບັນດາມາດຕະການໜູນຊ່ວຍວິສາຫະກິດແກ້ໄຂຄວາມຫຍຸ້ງຍາກດ້ວຍຍອດມູນຄ່າໜູນຊ່ວຍເກືອບ 30.000 ຕື້ດົ່ງ. ນີ້ແມ່ນແຫຼ່ງຂ່າວທີ່ຖືກເຕື້ອງເຖິງໃນການປະຊຸມຂ່າວນັດສາມັນປະຈຳເດືອນ 4 ຂອງລັດຖະບານເມື່ອຕອນບ່າຍວັນທີ 4/5. ກ່ຽວກັບສະພາບການເຄື່ອນໄຫວຂອງບັນດາວິສາຫະກິດ, ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ Vu Duc Dam ໃຫ້ຮູ້ວ່າ: ຈະເປີດເຜິຍບົດລາຍງານຂອງກະຊວງແຜນການ ແລະ ລົງທຶນ ກ່ຽວກັບບັນດາວິສາຫະກິດພວມເຄື່ອນໄຫວ, ວິສາຫະກິດໄດ້ຢຸດຕິການຜະລິດ, ວິສາຫະກິດພວມເຮັດລະບຽບການຍຸບເລິກໃນປະຕູຖານເອເລັກໂຕນິກຂອງລັດຖະບານ. ກ່ຽວກັບມະຕິຫົວເລື່ອງສະເພາະກ່ຽວກັບມາດຕະການໜູນຊ່ວຍບັນດາວິສາຫະກິດແກ້ໄຂຄວາມຫຍຸ້ງຍາກ ເຊິ່ງຈະໄດ້ປະກາດໃຊ້ໃນເດືອນ 5, ທ່ານນາງລັດຖະມົນຕີຊ່ວຍວ່າການກະຊວງການເງິນ Vu Thi Mai ໃຫ້ຮູ້ວ່າ:
“ບ້ວງເງິນໜູນຊ່ວຍແມ່ນສຸມໃສ່ດ້ານອາກອນ. ຫຼຸດຜ່ອນ 30% ອາກອນລາຍຮັບວິສາຫະກິດສຳຫຼັບວິສາຫະກິດຂະໜາດກາງ ແລະ ນ້ອຍ, ວິສາຫະກິດຕຳແຜ່ນຕັດຫຍິບ, ເກີບໜັງ, ຜະລິດຕະພັນກະເສດ, ເຄື່ອງປ່າຂອງດົ່ງ ແລະ ສິນໃນນ້ຳ... ນອກຈາກນັ້ນແລ້ວ, ຍັງຕໍ່ກຳນົດເວລາເກັບອາກອນພາສີມູນຄ່າເພີ່ມຂອງເດືອນ 4, 5, 6 ໃນເວລາ 6 ເດືອນ. ແລະ ຫຼຸດຜ່ອນ 50% ຄ່າເຊົ່າດິນໃຫ້ວິສາຫະກິດທັງໝົດ”
ກ່ຽວກຂ້ອງເຖິງເນື້ອໃນດັດປັບອັດຕາດອກເບ້ຍທະນາຄານ, ທ່ານຮອງຜູ້ວ່າການທະນາຄານແຫ່ງລັດ Nguyen Dong Tien ໃຫ້ຮູ້ວ່າ: ທະນາຄານແຫ່ງລັດພວມບໍລິຫານຢ່າງມີໄຫວພິບ ເພື່ອມີອັດຕາດອກເບ້ຍທີ່ເໝາະສົມ. ທ່ານເວົ້າວ່າ:
“ເລື່ອງທະນາຄານແຫ່ງລັດວາງອອກມາດຕະການຕ່າງໆທີ່ມີລັກສະນະບໍລິຫານຄື: ເພດານດອກເບ້ຍລະດົມ ແລະ ຈາກນັ້ນແມ່ນຄວບຄຸມເພດານດອກເບ້ຍໃຫ້ກູ້ຢືມສຳລັບຂົງເຂດຈຳນວນໜຶ່ງ ເພື່ອແນໃສ່ຫຼຸດຜ່ອນອັດຕາດອກເບ້ຍໃຫ້ກູ້ຢືມ ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ ແລະ ບັນດາຄອບຄົວກູ້ຢືມທຶນ”