ສະພາບການຢູ່ພາກເໜືອ ອິດສະຣາແອັນ ພາຍຫຼັງຖືກບຸກໂຈມຕີ (ພາບ: THX/TTXVN)

ວັນທີ 28 ທັນວາ, ກຳລັງປ້ອງກັນຕົວ ອິດສະຣາແອັນ (IDF) ໃຫ້ຮູ້ວ່າ ພາກເໜືອຂອງປະເທດນີ້ ຫາກໍຖືກຂະບວນການອິດສະລາມ ປະກອບອາວຸດ Hezbollah ຢູ່ ລີບັງ ບຸກໂຈມຕີດ້ວຍລູກສອນໄຟຢ່າງດຸເດືອດທີ່ສຸດນັບແຕ່ວັນທີ 08 ຕຸລາ.

        ຕາມແຈ້ງການຂອງ IDF ແລ້ວ, Hezbollah ໄດ້ຍິງລູກສອນໄຟຢ່າງໜ້ອຍສຸດ 34 ລູກ ຈາກພາກໃຕ້ ລີບັງ ໃສ່ 2 ເຂດ Rosh Hanikra ແລະ Kyriat Shmona ຢູ່ພາກເໜືອ ອິດສະຣາແອັນ, ເຊິ່ງໃກ້ກັບຊາຍແດນ ລີບັງ. ປັດຈຸບັນ, ຍັງບໍ່ທັນມີການລາຍງານໃດກ່ຽວກັບຈຳນວນຜູ້ເສຍຊີວິດ ແລະ ຮັບບາດເຈັບຈາກການບຸກໂຈມຕີດັ່ງກ່າວເທື່ອ. ໃນຂະນະນັ້ນ, IDF ຢັ້ງຢືນວ່າ ໄດ້ໂຕ້ຕອບດ້ວຍຫຼາຍບັ້ນບຸກໂຈມຕີທາງອາກາດຢ່າງລຽນຕິດເລັ່ງໃສ່ບັນດາສະຖານທີ່ເລີ່ມຕົ້ນບັ້ນບຸກໂຈມຕີ, ແຕ່ກໍ່ບໍ່ສະໜອງຂໍ້ມູນເພີ່ມເຕີມ.

ນັກຂ່າວ VOV ປະຈຳ ອີຢິບ