ຕອນຄ່ຳວັນທີ 24 ມັງກອນ, ແຈ້ງການຂອງກອງບັນຊາການສູນກາງ ອາເມລິກາ ຢູ່ ຕາເວັນອອກກາງ (CENTCOM), ໃຫ້ຮູ້ວ່າ ກ່ຳປັ່ນການຄ້າຂອງປະເທດນີ້ຢູ່ທະເລແດງ ໄດ້ບຸກໂຈມຕີ ດ້ວຍລູກສອນໄຟນຳວິຖີ 3 ລູກຂອງກຸ່ມປະກອບອາວຸດ Al Houthi ຢູ່ ເຢແມນ. ເຖິງຢ່າງໃດກໍຕາມ, ແຈ້ງການສະບັບດັ່ງກ່າວ ບໍ່ເຜີຍໃຫ້ຮູ້ກ່ຽວກັບຜົນເສຍຫາຍຂອງກ່ຳປັ່ນທີ່ຖືກບຸກໂຈມຕີ.

        ກໍໃນວັນດຽວກັນ, ກຳລັງ Houthi ຢູ່ ເຢແມນ ໄດ້ຮຽກຮ້ອງໃຫ້ບັນດາພະນັກງານຊາວ ອາເມລິກາ ແລະ ຊາວ ອັງກິດ ທີ່ເຮັດວຽກໃຫ້ບັນດາອົງການ ສປຊ ແລະ ບັນດາອົງການຈັດຕັ້ງມະນຸດສະທຳຢູ່ປະເທດນີ້ ຕ້ອງຍ້າຍອອກໄປພາຍໃນຮອບເວລາ 1 ເດືອນ. ໃນຈົດໝາຍທີ່ສົ່ງເຖິງທ່ານ Peter Hawkins, ຜູ້ປະສານງານມະນຸດສະທຳຂອງ ສປຊ ຢູ່ ເຢແມນ, Houthi ຮຽກຮ້ອງໃຫ້ບັນດາອົງການຈັດຕັ້ງຕ່າງປະເທດບໍ່ຈ້າງພະນັກງານທີ່ເປັນຊາວ ອາເມລິກາ ແລະ ອັງກິດ ເຮັດວຽກຢູ່ບັນດາອົງການນີ້ຢູ່ ເຢແມນ.

        ໃນການຜັນແປທີ່ກ່ຽວຂ້ອງ, ວັນທີ 24 ມັງກອນ, ທ່ານລັດຖະມົນຕີການຕ່າງປະເທດ ອີຣານ Hossein Amir  - Abdollahian ຖືວ່າ ອາເມລິກາ ແລະ ອັງກິດ ມີຍຸດທະສາດທີ່ຜິດພາດ ເມື່ອບຸກໂຈມຕີກຳລັງ Houthi, ພ້ອມທັງກ່າວເຕືອນວ່າ ການກະທຳດັ່ງກ່າວ ອາດຈະເຮັດໃຫ້ການປະທະກັນ ແລະ ຄວາມເຄັ່ງຕຶງ ແຜ່ລວມອອກເປັນວົງກວ້າງໃນທົ່ວພາກພື້ນ.

ນັກຂ່າວ VOV ປະຈຳ ອີຢິບ