(ພາບ: THX/TTXVN)

  ໃນການໂອ້ລົມທາງໂທລະສັບເມື່ອວັນທີ 1 ກັນຍາ, ທ່ານ  Abdel-Fattah El-Sisi ປະທານາທິບໍດີ ອີຢີບ ແລະ ເຈົ້າຟ້າຊາຍ, ທັງເປັນນາຍົກລັດຖະມົນຕີ ອາຣາບີ ຊາອູດີ Mohammed bin Salman ໄດ້ປຶກສາຫາລືກ່ຽວກັບບັນດາການຜັນແປຫຼ້າສຸດຢູ່ເຂດດິນແດນຂອງ ປາແລັດສະຕິນ ກໍ່ຄືບັນດາວິທີການເພີ່ມທະວີການກະທຳລວມ ເພື່ອປະເຊີນໜ້າກັບບັນດາສິ່ງທ້າທາຍ ສົ່ງຜົນກະທົບຕໍ່ຄວາມໝັ້ນຄົງ ແລະ ສັນຕິພາບໃນພາກພື້ນ. ຕາມການລາຍງານຂອງສຳນັກງານປະທານາທິບໍດີ ອີຢີບ, ທ່ານ El-Sisi ແລະ ທ່ານ bin Salman ໄດ້ເນັ້ນໜັກເຖິງຄວາມຈຳເປັນ ຕ້ອງບັນລຸ້ໄດ້ຄຳສັ່ງຢຸດຍິງຢູ່ເຂດ ກາຊາ ໂດຍທັນທີ ແລະ ຢຸດຕິຄວາມເຄັ່ງຕຶງຢູ່ເຂດຝັ່ງຕາເວັນຕົກແມ່ນ້ຳ ຈໍແດນ ເພື່ອແນໃສ່ສະກັດກັ້ນການປະທະກັນ ທີ່ແຜ່ລາມອອກສູ່ລວງກ້ວາງກ່ວາອີກ ແລະ ຟື້ນຟູຄວາມຂາດສະຖຽນລະພາບຢູ່ຕາເວັນອອກກາງ.

  ຕາມບັນດາອົງການສາທາລະນະສຸກຢູ່ເຂດ ກາຊາ ແລ້ວ, ການປະທະກັນທີ່ແກ່ຍາວເປັນເວລາເກືອບ 11 ເດືອນຜ່ານມາ ລະຫວ່າງ ອິດສະຣາແອັນ ແລະ ຮາມາສ ໄດ້ເຮັດໃຫ້ຊາວ ປາແລັດສະຕິນ 40.738 ຄົນເສຍຊີວິດ.