ການປະທະກັນເຮັດໃຫ້ປະຊາຊົນຫຼາຍຄົນໄດ້ຮັບບາດເຈັບ ແລະ ເສຍຊີວິດຢູ່ເຂດຝັ່ງຕາເວັນຕົກແມ່ນ້ຳຈໍແດນ
(VOVWORLD) -ວັນທີ 22 ທັນວາ, ມີຜູ້ເສຍຊີວິດ 1 ຄົນ ແລະ ອີກ 25 ຄົນໄດ້ຮັບບາດເຈັບຢ່າງໜ້ອຍສຸດ ໃນການປະທະກັນກັບກອງທັບ ອິດສະລາແອັນ ຢູ່ນະຄອນ Nablus, ເຂດຝັ່ງຕາເວັນຕົກແມ່ນ້ຳຈໍແດນ
 ການປະທະກັນລະຫວ່າງສອງຝ່າຍ (ພາບ: TTXVN) |
ການປະທະກັນໄດ້ເກີດຂຶ້ນເມື່ອທະຫານ ອິດສະລາແອັນຈຳນວນຫຼາຍ ໄດ້ບຸກເຂົ້າໄປເຂດທາງທິດຕາເວັນອອກ ຂອງນະຄອນ Nablus ເພື່ອປົກປ້ອງຊາວອົບພະຍົບຊາວຢິວ ທີ່ມາໄວ້ອາໄລຢູ່ຂຸ້ມຝັງສົບ Joseph. ກຳລັງປ້ອງກັນຄວາມສະຫງົບຂອງອິດສະລາແອັນໄດ້ຊອກຫາວິທີ ສະຫລາຍກຸ່ມຄົນ ດ້ວຍການກັ້ນຫົນທາງ, ເຮັດໃຫ້ສິບໆຄົນໄດ້ຮັບບາດ, ໃນນັ້ນມີ ຄົນໜຶ່ງເສຍຊີວິດ ນັ້ນແມ່ນນັກເຕະບານ Ahmad Atef Mustafa Daraghma ຢູ່ນະຄອນ Tulkarem (ປາແລັດສະຕິນ), ຍ້ອນຖືກລູກປຶນຂອງກອງທັບ ອິດສະລາແອັນ.
ທ່ານນາຍົກລັດຖະມົນຕີ ປາແລັດສະຕິນ ໄດ້ຮຽກຮ້ອງໃຫ້ສະຫະພັນບານເຕະໂລກ (FIFA) ກ່າວປະນາມເຫດການນີ້. ເພື່ອໄວ້ອາໄລນັກເຕະບານ Ahmad Atef Mustafa Daraghma, ແລະເກີດມີການຢຸດງານເປັນເວລາ 1 ວັນຢູ່ນະຄອນ Tubas.