ວັນທີ 05 ມີນາ, ກະຊວງສາທາລະນະສຸກອາຟະລິກາໃຕ້ ໄດ້ແຈ້ງໃຫ້ຊາບວ່າ ໄດ້ກວດພົບກໍລະນີຕິດເຊື້ອພະຍາດໄວຣັດ SARS-CoV-2 (Covid - 19) ຄົນທຳອິດ. ເພດຊາຍ, ອາຍຸ 38 ປີ, ລາວເຄີຍໄປທ່ອງທ່ຽວຢູ່ອີຕາລີ ແລະ ກັບເມືອປະເທດໃນວັນທີ 01 ມີນາ. ໃນຂະນະນັ້ນ, Tunisia, ໄດ້ຢຸດຕິການຂຸດຄົ້ນເສັ້ນທາງທະເລໄປຫາທິດເໜືອອີຕາລີ ໂດຍຊົ່ວຄາວເພື່ອສະກັດກັ້ນການແຜ່ລະບາດຂອງໄວຣັດ SARS-CoV-2.

          ໃນເຫດການທີ່ກ່ຽວຂ້ອງ, ວັນທີ 05 ມີນາ, ກະຊວງສາທາລະນະສຸກ ແລະ ບຳລຸງສ້າງການແພດ ອີຣານ ໄດ້ແຈ້ງໃຫ້ຊາບກ່ຽວກັບກໍລະນີຕິດເຊື້ອພະຍາດໄວຣັດ SARS-CoV-2 ຢູ່ປະເທດນີ້ແມ່ນຂຶ້ນເຖິງ 3.513 ກໍລະນີ, ໃນນັ້ນມີ 107 ກໍລະນີເສຍຊີວິດ; ຢູ່ອັງກິດ ເກີດມີກໍລະນີຕິດໂລກລະບາດ Covid - 19 ເສຍຊີວິດເປັນລາຍທຳອິດ.

          ຕອນເຊົ້າວັນທີ 06 ມີນາ, ອົງການຄຸ້ມຄອງ ແລະ ປ້ອງກັນຕ້ານໂລກລະບາດ ສ.ເກົາຫຼີ (KCDC) ໃຫ້ຮູ້ວ່າ, ມີ 518 ກໍລະນີຕິດເຊື້ອພະຍາດໄວຣັດ SARS-CoV-2, ອັນໄດ້ຍົກຈຳນວນຜູ້ຕິດເຊື້ອພະຍາດດັ່ງກ່າວຂຶ້ນເປັນ 6.284 ກໍລະນີ; ຈຳນວນ 42 ກໍລະນີເສຍຊີວິດ.

          ວັນທີ 05 ມີນາ, ຢູ່ອີຕາລີ - ມີຜູ້ເສຍຊີວິດຍ້ອນຕິດເຊື້ອພະຍາດໄວຣັດ SARS-CoV-2 ຂຶ້ນເປັນ 148 ກໍລະນີ, ຈຳນວນກໍລະນີຕິດໃໝ່ແມ່ນ 769 ກໍລະນີ, ຍົກຈຳນວນຜູ້ຕິດເຊື້ອພະຍາດດັ່ງກ່າວຂຶ້ນເປັນ 3.858 ຄົນ ໃນຮອບເວລາພຽງແຕ່ 2 ອາທິດ; ຊູແອັດ ໄດ້ຢັ້ງຢືນວ່າ ມີ 30 ກໍລະນີຕິດເຊື້ອໃໝ່, ຍົກຈຳນວນຜູ້ຕິດເຊື້ອພະຍາດໄວຣັດ SARS-CoV-2 ຂຶ້ນເປັນ 94 ກໍລະນີ; ຜູ້ຕິດເຊື້ອພະຍາດໄວຣັດ SARS-CoV-2 ຢູ່ ອຽກລັງ ມີ 13 ຄົນ; ແອດສະປາຍ ແມ່ນ 42 ກໍລະນີ. ວັນທີ 05 ມີນາ, ວົງການສາທານະລະສຸກຢູ່ລັດ ວໍຊິງຕັນ, ປະເທດອາເມລິກາ ໄດ້ແຈ້ງວ່າ ໄດ້ມີ 12 ກໍລະນີເສຍຊີວິດຍ້ອນຕິດເຊື້ອພະຍາດໄວຣັດ SARS-CoV-2.

ວັນທີ 06 ມີນາ, ປູຕານ ໄດ້ແຈ້ງໃຫ້ຊາບວ່າ, ປະເທດນີ້ໄດ້ກວດພົບກໍລະນີຕິດເຊື້ອພະຍາດໄວຣັດ SARS-CoV-2 (Covid - 19) ທຳອິດ, ແມ່ນນັກທ່ອງທ່ຽວຊາວອາເມລິກາ. ໃນຂະນະນັ້ນ, ເຈົ້າໜ້າທີ່ສາທາລະນະສຸກ ອິນເດຍ ແຈ້ງໃຫ້ຊາບວ່າ, ມາຮອດປະຈຸບັນມີຈຳນວນ 30 ກໍລະນີຕິດເຊື້ອພະຍາດໄວຣັດ SARS-CoV-2 ແລ້ວ. ໄລ່ຮອດວັນທີ 05 ມີນາ, ເອກົວດໍ, ບຣາຊິນ, ອາກຊັງຕິນ, ຈີເລ, ຈີນ ກໍ່ໄດ້ແຈ້ງໃຫ້ຊາບວ່າ ໄດ້ກວດພົບກໍລະນີຕິດເຊື້ອພະຍາດໄວຣັດ SARS-CoV-2 ໃໝ່ຕື່ມອີກ.