ທ່ານນາງ ຮອງປະທານປະເທດ ຫວຽດນາມ ຫວໍທິແອັງຊວັນ  ແລະ ທ່ານ Eric Adams, ເຈົ້າຄອງ ນະຄອນ ນິວຢອກ

ເນື່ອງໃນໂອກາດເຂົ້າຮ່ວມກອງປະຊຸມຄັ້ງທີ 68 ຄະນະກຳມະການ ຖານະຕຳແໜ່ງແມ່ຍິງ (CSW) ຂອງສະພາເສດຖະກິດ, ສັງຄົມ ສປຊ (ECOSOC) ຢູ່ນິວຢອກ, ອາເມລິກາ , ວັນທີ 11 ມີນາ, ທ່ານນາງ ຮອງປະທານປະເທດ ຫວຽດນາມ ຫວໍທິແອັງຊວັນ ໄດ້ໃຫ້ການຕ້ອນຮັບທ່ານ Eric Adams, ເຈົ້າຄອງ ນະຄອນ ນິວຢອກ. ທີ່ການຕ້ອນຮັບ, ທ່ານນາງ ຫວໍທິແອັງຊວັນ ໄດ້ຢັ້ງຢືນວ່າ ຫວຽດນາມ ຖືເປັນສຳຄັນການຮ່ວມມືກັບ ອາເມລິກາ, ການພົວພັນ ຫວຽດນາມ - ອາເມລິກາ ພວມກ້າວເຂົ້າສູ່ໄລຍະພັດທະນາໃໝ່ ດ້ວຍຫຼາຍກາລະໂອກາດພົວພັນແລກປ່ຽນ, ຮ່ວມມືໃນຂອບເຂດຂອງປະເທດ, ທ້ອງຖິ່ນ, ວິສາຫະກິດ ແລະ ປະຊາຊົນ; ທ່ານສະເໜີໃຫ້ນະຄອນ ນິວຢອກ ສືບຕໍ່ເອົາໃຈໃສ່ ແລະ ໜູນຊ່ວຍປະຊາຊົນ, ວິສາຫະກິດ ອາເມລິກາ ແລະ ນິວຢອກ ມາລົງທຶນ ແລະ ດຳເນີນທຸລະກິດ ຢູ່ ຫວຽດນາມ; ກໍ່ຄືເອົາໃຈໃສ່, ໜູນຊ່ວຍ ແລະ ສ້າງເງື່ອນໄຂໃຫ້ແກ່ວິສາຫະກິດ ແລະ ປະຊາຄົມຊາວຫວຽດນາມ ຢູ່ທີ່ນີ້ ໃຫ້ນັບມື້ນັບເຂັ້ມແຂງ, ປະກອບສ່ວນເຂົ້າໃນການພັດທະນາຂອງນະຄອນ ກໍ່ຄືການພົວພັນ ຫວຽດນາມ - ອາເມລິກາ.

ສ່ວນທ່ານ Eric Adams ຢັ້ງຢືນ ນິວຢອກ ປາດຖະໜາຢາກສືບຕໍ່ຊຸກຍູ້ບັນດາການພົວພັນຮ່ວມມືອັນດີງາມ ກັບ ຫວຽດນາມ, ພິເສດແມ່ນການຜັນຂະຫຍາຍ ບົດບັນທຶກຊ່ວຍຈຳ ວ່າດ້ວຍການຮ່ວມມືລະຫວ່າງນະຄອນ ໂຮ່ຈີມິນ ແລະ ນະຄອນ ນິວຢອກ ທີ່ໄດ້ຮັບການລົງນາມໃນເດືອນກັນຍາ ປີ 2023. ທ່ານເຈົ້າຄອງ ຢັ້ງຢືນວ່າ ຈະເສີມຂະຫຍາຍບັນດາທ່າແຮງຂອງນະຄອນ ເພື່ອເພີ່ມທະວີການພົວພັນກັບ ຄູ່ຮ່ວມມື ຫວຽດນາມ.