(vovworld) -  ​ ​ ​ ການ​ພົວພັນ​ມິດຕະພາບ​ລະ​ຫວ່າງ ​ຫວຽດນາມ ​ແລະ​ ລາວ - ກຳປູ​ເຈຍ​ ມີ​ຄວາມ​ສຳຄັນ​ໃນ​ຍຸດ​ທະ​ສາດ​ພິ​ເສດ ນັ້ນ​ແມ່ນ​ຄຳ​ຢັ້ງຢືນ​ຂອງ​ທ່ານ​ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ ຫວຽດນາມ ຫວູຮົ່ງນາມ ​ເມື່ອ​ຕອບ​ສຳພາດ​ຕໍ່​ນັກ​ຂ່າວ​ກ່ຽວ​ກັບ​ໝາກຜົ​ນການ​ຢ້ຽມຢາມ​ທາ​ງລັດຖະກິດ​ເຖິງ​ສາທາລະນະ​ລັດ​ ປະຊາທິປະ​ໄຕ ປະຊາຊົນ ລາວ ​ໃນ​ລະ​ຫວ່າງ​ວັນ​ທີ 12 – 14/06/2016 ​ແລະ ຢ້ຽມຢາມລາຊະ​ອານາຈັກ ກຳ​ປູ​ເຈ​ຍ ​ໃນ​ລະຫວ່າງ​ວັນ​ທີ 15 – 16/06/2016 ຂອງ​ທ່ານ​ປະທານ​ປະ​ເທດ ຫວຽດນາມ ​ເຈີ່ນ​ດ້າຍ​ກວາງ. ທ່ານ​ຮອງ​ລັດຖະມົນຕີ​ການ​ຕ່າງປະ​ເທດ ຫວູຮົ່ງນາມ ຊີ້​ແຈ້ງວ່າ ການ​ຢ້ຽມຢາມ​ຕ່າງປະ​ເທດ​ຄັ້ງນີ້ ​ແມ່ນ​ການ​ເຄື່ອນ​ໄຫວ​ຕ່າງປະ​ເທດ​ຄັ້ງທຳ​ອິດ​ຂອງ​ທ່ານ ​ເຈີ່ນ​ດ້າຍກ​ວາງ ​ໃນ​ຖານະ​​ເປັນ​ປະທານ​ປະ​ເທດ. ບັນດາ​ໝາກຜົນ​ທີ່​ບັນລຸ​ໄດ້​ໃນ​ການ​ຢ້ຽມຢາມ​​ແມ່ນມີ​ຄວາມ​ໝາຍ​ອັນໃຫຍ່ຫລວງ​ສຳລັບ​ການ​ພົວພັນ​ລະຫວ່າງ ຫວຽດນາມ ກັບ ລາວ ​ແລະ ກຳປູ​ເຈຍ, ​ເຊິ່ງ​ແມ່ນ 2 ປະ​ເທດ​ບ້ານ​ໃກ​້​ເຮືອນ​ຄຽງທີ່​ມີ​ສາຍ​ພົວພັນ​ມິດຕະພາບ​ສະໜິດຕິດ​ພັນມາ​ແຕ່​ດົນ​ນານ ​ແລະ ມີ​ຄວາມ​ສຳຄັນ​​​ໃນຍຸດ​ທະ​ສາດ​​ພິ​ເສດ​ສຳລັບ ຫວຽດນາມ.