ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ພົບປະກັບທ່ານ ຫວາງອີ ຫົວໜ້າຫ້ອງການຄະນະກຳມະການພົວພັນຕ່າງປະເທດສູນກາງພັກຄອມມູນິດ ຈີນ (ພາບ: Alexander Nemenov/AFP)

ທີ່ການພົບປະ, ທ່ານລັດຖະມົນຕີການຕ່າງປະເທດ ລັດເຊຍ ເນັ້ນໜັກວ່າ ການພົວພັນລະຫວ່າງສອງປະເທດ ພັດທະນາຢ່າງຂະຫຍັນຂັນເຄື່ອນ ແລະ ຍືນຍົງໃນສະພາບການໂລກມີການຜັນແປຫຼາຍຢ່າງ. ສອງປະເທດສະແດງຄວາມສະໜິດຕິດພັນ ແລະ ພ້ອມແລ້ວທີ່ຈະປົກປ້ອງຜົນປະໂຫຍດຂອງກັນບົນພື້ນຖານເຄົາລົບກົດໝາຍສາກົນ ແລະ ບົດບາດເປັນໃຈກາງຂອງ ສປຊ. ທ່ານລັດຖະມົນຕີການຕ່າງປະເທດ ລັດເຊຍ ສະແດງຄວາມຫວັງວ່າ ໃນຖານະໃໝ່, ທ່ານ ຫວາງອີ ຈະສືບຕໍ່ປັບປຸງລັກສະນະສືບທອດສາຍພົວພັນຮ່ວມມືຍຸດທະສາດ ແລະ ຄູ່ຮ່ວມມືຮອບດ້ານລະຫວ່າງສອງປະເທດ.

        ສ່ວນທ່ານ ຫວາງອີ ຢັ້ງຢືນວ່າ ປັກກິ່ງ ຍັງໃຫ້ຄຳໝັ້ນສັນຍາພັດທະນາ ແລະ ຮັກສາທ່າອ່ຽງຕັ້ງໜ້າໃນການພົວພັນກັບ ມົດສະກູ; ຢັ້ງຢືນວ່າດ້ວຍຄຳຊີ້ນຳຍຸດທະສາດຂອງທ່ານປະທານປະເທດ ຈີນ ສີຈີ້ນຜິງ ແລະ ທ່ານປະທານາທິບໍດີ ລັດເຊຍ Vladimir Putin, ການພົວພັນຄູ່ຮ່ວມມືຮອບດ້ານ ແລະ ຮ່ວມມືຍຸດທະສາດລະຫວ່າງ ຈີນ - ລັດເຊຍ ໃນສັງກາດໃໝ່ ຮັກສາທ່ວງທ່າພັດທະນາຢ່າງແຮງ.