(vovworld) –​ ພາຍ​ຫຼັງ​ກະ​ຊວງ​ພາຍ​ໃນ​ຊາ​ອຸ​​ດ​ີ​ອາ​ຣາ​ເບຍ ແຈ້ງວ່າ​ໄ​ດ້​ປະ​ຫານ​ຊີ​ວິດ 47 ຄົນ​​ດ້ວຍໂທດກໍ່​ການ​ຮ້າຍ, ໃນ​ນັ້ນ​ພິ​ເສດ​ແມ່ນ​ມີ​ບາດ​ຫຼວງອິດ​ສະ​ລາມ ນີ້​ກາຍ​ຊີ​ອາ Nimr an Nimr, ກະ​ຊວງ​ການ​ຕ່າງ​ປະ​ເທດ​ອີ​ຣານ ກ່າວ​ເຕ​ືອນ​ວ່າ, ຊາ​ອຸ​ດີ​ອາ​ຣາ​ເບຍ ຈະ​ຖືກ​ລົງ​ໂທດ​ຍ້ອນ​ການ​ກະ​ທຳ​ນັ້ນ. ໂຄ​ສົກ​ກະ​ຊວງ​ການ​ຕ່າງ​ປະ​ເທ​ດ​ອີ​ຣານ Hossein Jaberi Ansari ໄດ້​ກ່າວ​ປະ​ນາມ​ຢ່າງ​ຮຸ້​ນແຮງຕໍ່​ການ​ສັງ​ຫານ​ບາດ​ຫຼວງ Nimr, ຖືນີ້​ແມ່ນ​ການ​ກະ​ທຳ​ໄຮ້​ຄວາມ​ຮັບ​ຜິດ​ຊອບ ແລະ ຂາດ​ຄວາມ​ລະ​ມັດ​ສະ​ວັງ​ຂອງ ຊາອຸ​ດີ​ອາ​ຣາ​ເບຍ. ສຳ​ລັບ​ອີຣານ, ປະ​ເທດ​ອິດ​ສະ​ລາມ​​​ ​ ​ທີ່​ມີພົນ​ລະ​ເມືອງນີ​ກາຍ​ຊີ​ອາ ​ເປັນ​ຈຳ​ນວ​ນ​ຫຼວງ​ຫຼາຍນັ້ນ, ທ່ານ Nimr, ອາ​ຍຸ 56 ປີແມ່ນ​ການ​ນຳ​ມີ​ຜົນ​ສະ​ທ້​ອ​ນ​ອັ​ນໃຫຍ່​​ຫຼວງຢູ່​ທາງທິດ​ຕາ​ເວັນ​ອອກ​ຊາ​ອຸ​ດີ ອາ​ຣາ​ເບຍ. ທ່ານ Nimr ໄດ້​ຕຳ​ໜິ​ຕິ​ຕຽນ​ອຳ​ນາດ​ການ​ປົກ​ຄອງ, ຮຽກ​ຮ້ອງ​ການ​​ແຫ່ຂະ​ບວນ​ປະ​ທ້ວງ​ເພື່ອ​ສັນ​ຕິພາບ​ເປັນ​ປະ​ຈຳ ແລະ ຮຽກ​ຮ້ອງ​ໃຫ້​ຈັດ​ຕັ້ງ​ການ​ເລືອກ​ຕັ້ງ. ​ພາຍ​ຫຼັງ​​ບາດ​ຫຼວ​ງ Nimr ຖືກ​ເສຍ​ຊີ​ວິດ, ຊາວ​ອິດ​ສະ​ລາມ​ນິ​ກາຍ​ຊີ​ອາ ຢູ່​ອີ​ຣານ ເປັນ​ຈຳ​ນວນ​ຫຼວງ​ຫຼາຍ ໄດ້​ຮຽກ​ຮ້ອງ​ການ​ແຫ່​ຂະ​ບວນ​ປະ​ທ້ວງ​​ດ້ວຍ​ຂອບ​ຂະ​ໜາ​ດ​ໃຫຍ່​ໃນ​ວັນ​ທີ 04/1, ​ຢູ່ຕໍ່​ໜ້າ​ສະ​ຖານ​ກົງ​ສູນຊາ​ອຸ​ດີ​ອາ​ຣາ​ເບຍ ຢູ່​ນະ​ຄອນ​ຫຼວງ​ເຕ​ເຣ​ຣານ.