ການພົວພັນຮ່ວມມືລະ ຫວ່າງລັດເຊຍ-ແຊກເບຍ ບັນລຸລະດັບຍຸດທະສາດ
ທ່ານປະທານດູມາແຫ່ງຊາດລັດເຊຍ Sergey Naryshkin
(ພາບ: AP )
(vovworld)– ວັນທີ 22/12, ທ່ານ Sergey Naryshkin ປະທານສະພາຕ່ຳລັດເຊຍ (ດູມາແຫ່ງຊາດລັດເຊຍ) ຢືນຢັນວ່າ: ການພົວພັນຮ່ວມມືລະຫວ່າງລັດເຊຍ-ແຊກເບຍ ໄດ້ບັນລຸລະດັບຍຸດທະສາດ. ໃນການຕ້ອນຮັບທ່ານນາງ Maja Gojkovic ປະທານສະພາແຫ່ງຊາດແຊກເບຍ ຊື່ງພວມຢູ່ຢ້ຽມຢາມລັດເຊຍ, ທ່ານປະທານ Sergey Naryshkin ເນັ້ນໜັກວ່າ: ມົດສະກູຕີລາຄາສູງລະດັບການຮ່ວມມືລະຫວ່າງສອງປະເທດພ້ອມທັງຖືວ່າ: ສາຍພົວພັນດັ່ງກ່າວແມ່ນບັນລຸລະດັບຍຸດທະສາດ. ຕາມທ່ານແລ້ວ, ສິ່ງດັ່ງກ່າວມີຄວາມໝາຍສຳຄັນໃນສະພາບຂາດຄວາມເຊື່ອໝັ້ນຢູ່ເອີລົບ ແລະ ຄວນມີບັນດາຄວາມມານະພະຍາຍາມເພື່ອແນໃສ່ຮັບປະກັນຄວາມສະຫງົບປອດໄພ ກໍ່ຄືຄວາມສະຫງົບງຽບຢູ່ທະວີບ.
ສ່ວນທ່ານນາງປະທານ Maja Gojkovic ເນັ້ນໜັກວ່າ: ລັດເຊຍ ແລະ ແຊກເບຍ ມີແງ່ຫວັງໃຫ່ຍເພື່ອພັດທະນາການພົວພັນຮ່ວມມື. ທ່ານນາງຢືນຢັນວ່າ: Belgrade ຈະບໍ່ຈັດວາງບັນດາມາດຕະການລົງໂທດມົດສະກູ ນັບທັງເມື່ອແຊກເບຍ ເຂົ້າເປັນສະມາຊິກສະຫະພາບເອີລົບ (ອີຢູ)./.