ທ່ານເອກອັກຄະລັດຖະທູດ ຍີ່ປຸ່ນ ປະຈຳ ຫວຽດນາມ Yamada Takio (ພາບ: TTXVN)

 ຕາມທ່ານເອກອັກຄະລັດຖະທູດ ຍີ່ປຸ່ນ ປະຈຳ ຫວຽດນາມ, Yamadan Takio, ການຢ້ຽມຢາມ ຍີ່ປຸ່ນ ຂອງທ່ານປະທານປະເທດ ຫວໍວັນເຖືອງ ທີ່ເປັນສັນຍາລັກຈະແຈ້ງພິສູດໃຫ້ເຫັນການພົວພັນອັນດີງາມທີ່ສຸດ ນັບແຕ່ກ່ອນມາຮອດປັດຈຸບັນ ລະຫວ່າງ ຍີ່ປຸ່ນ ແລະ ຫວຽດນາມ, ເຊິ່ງໄດ້ດຳເນີນໃນຈຸດເວລາສຳຄັນ, ມີລັກສະນະປະຫວັດສາດ ແລະ ແມ່ນໜຶ່ງໃນບັນດາຂີດໝາຍທີ່ພົ້ນເດັ່ນທີ່ສຸດໃນປີທີ່ສອງປະເທດ ຫວຽດນາມ - ຍີ່ປຸ່ນ ສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງສອງປະເທດ ຄົບຮອບ 50 ປີ (1973 – 2023).

        ທ່ານເອກອັກຄະລັດຖະທູດ Yamada Takio ຖືວ່າ ນອກຈາກການຫວນຄືນບັນດາບາດກ້າວເດີນໃນການພົວພັນສອງປະເທດນັບແຕ່ກ່ອນມາຮອດປັດຈຸບັນແລ້ວ, ການຢ້ຽມຢາມຄັ້ງນີ້ ຍັງສົ່ງສານທີ່ວ່າ ການຮ່ວມມືລະຫວ່າງ ຍີ່ປຸ່ນ ແລະ ຫວຽດນາມ ບໍ່ພຽງແຕ່ແມ່ນການພົວພັນສອງຝ່າຍເທົ່ານັ້ນ, ຫາກຍັງພວມກາຍເປັນການ ພົວພັນທີ່ສາມາດປະກອບສ່ວນໃຫ້ແກ່ສັນຕິພາບ, ວັດທະນາຖາວອນຂອງພາກພື້ນ ແລະ ໂລກອີກດ້ວຍ.