ທ່ານເອກອັກຄະລັດຖະທູດ ຫວຽດນາມ ປະຈຳ ໂອຕາລິດ ຫງວຽນຈູງກຽນ (ພາບ: Markus Toyfl)

        ການໄປຢ້ຽມຢາມ ສ.ເຊັກໂກ ຂອງທ່ານປະທານປະເທດ ຫວຽດນາມ ຫວໍວັນເຖືອງ ໄດ້ປະກອບສ່ວນຊຸກຍູ້ການຮ່ວມມື 2 ຝ່າຍ. ນີ້ແມ່ນຄຳເຫັນຂອງທ່ານເອກອັກຄະລັດຖະທູດ ຫວຽດນາມ ປະຈຳ ໂອຕາລິດ ຫງວຽນຈູງກຽນ ໄດ້ຍົກອອກມາໃນວັນທີ 20 ກໍລະກົດ, ກ່ອນການເດີນທາງໄປຢ້ຽມຢາມ ໂອຕາລິດ ຢ່າງເປັນທາງການຂອງທ່ານປະທານປະເທດ ຫວຽດນາມ ຫວໍວັນເຖືອງ. ຕາມທ່ານເອກອັກຄະລັດຖະທູດແລ້ວ, ນີ້ກໍ່ແມ່ນໂອກາດເພື່ອໃຫ້ 2 ປະເທດຢືນຢັນສາຍພົວພັນອັນດີງາມ ທີ່ພວມພັດທະນາຢ່າງຮອບດ້ານ, ພ້ອມທັງແມ່ນໂອກາດເພື່ອໃຫ້ທ່ານປະທານປະເທດ ຫວໍວັນເຖືອງ ພົບປະ, ເຮັດວຽກກັບການນຳບັນດາເວທີປາໄສການທູດຫຼາຍຝ່າຍ, ຜ່ານນັ້ນ ກໍ່ຢືນຢັນສຽງເວົ້າ ແລະ ໃນບາດຂອງ ຫວຽດນາມ ບົນບັນດາເວທີປາໄສສາກົນ.

        ໃນຂອບເຂດການຢ້ຽມຢາມ, ທ່ານປະທານປະເທດ ຫວໍວັນເຖືອງ ຈະເຮັດວຽກກັບການນຳຫຼັກແຫຼ່ງຂອງ ໂອຕາລິດ, ເຮັດວຽກກັບຜູ້ຕາງໜ້າບັນດາອົງການຈັດຕັ້ງສາກົນ. ກ່ຽວກັບແງ່ຫວັງການພົວພັນ 2 ຝ່າຍ, ທ່ານ ຫງວຽນຈູງກຽນ ຢືນຢັນວ່າ 2 ຝ່າຍຍັງມີຄວາມສາມາດບົ່ມຊ້ອນຫຼາຍຢ່າງ ເພື່ອຊຸກຍູ້ການຮ່ວມມືໃຫ້ຫຼາຍກວ່າເກົ່າ, ໂດຍສະເພາະແມ່ນໃນຂົງເຂດເສດຖະກິດ, ການຄ້າ ແລະ ການລົງທຶນ. ທ່ານຖືວ່າ ໜຶ່ງໃນບັນດາຂົງເຂດສຳຄັນໃນການພົວພັນກັບ ໂອຕາລິດ ແມ່ນການຮ່ວມມືດ້ານວິທະຍາສາດ - ເຕັກໂນໂລຊີ, ຍ້ອນນີ້ແມ່ນທ່າແຮງຂອງ ໂອຕາລິດ.