ເກີບ​ແມ່ນ​ປະ​ເພດ​ສິນຄ້າ​ສົ່ງ​ອອກ​ຕົ້ນຕໍ​ຂອງ​ຫວຽດນາມ

(ພາບ:dangcongsan.vn)

(VOV)- ຄາດ​ວ່າ​ຮອດ​ທ້າຍ​ປີ 2012 ວົງ​​ເງິນ​ສົ່ງ​ອອກ​ຂອງ​ຫວຽດນາມ ຈະ​ບັນລຸ 113,5 ຕື້ USD, ສູງ​ກ່ວາ​ຄາດໝາຍສະພາ​ແຫ່ງ​ຊາດ​ໄດ້​ວາງ​ອອກ. ນີ້​ແມ່ນ​ຂ່າວ​ຖືກຍົກ​ອອກ​ມາ​ທີ່​ການ​ປະຊຸມ​ຂ່າວ​ປະຈຳ​ເດືອນ 9 ​ໂດຍ​ກະຊວງ​ອຸດສາຫະກຳ​ການ​ຄ້າ​ຈັດ​ຂຶ້ນ​ໃນ​ວັນ​ທີ 1/10 ຢູ່​ຮ່າ​ໂນ້ຍ. ​ໃນ​ໄລຍະ​ທີ່​ຜ່ານ​ມາ, ການ​ສົ່ງ​ອອກ​ໄດ້​ຮັບ​ການ​ຄວບ​ຄຸມ​ຢ່າງ​ມີ​ປະສິດທິ​ຜົນ​ຜ່ານ​ບັນດາ​ນະ​ໂຍບາຍ, ມາດ​ຕະການ​ໂດຍ​ລັດຖະບານ ​ແລະ ກະຊວງ ຂະ​ແໜງ​ການ​ປະກາດ​ໃຊ້… ​ໃນ 9 ​ເດືອນ​ຕົ້ນປີ 2012,​ມີ 3 ປະ​ເພດ​ສິນຄ້າ​ບັນລຸ​ວົງ​ເງິນ​ສົ່ງ​ອອກ​ກ່ວາ 1 ຕື້ USD ອັນ​ໄດ້​ຍົກຈຳນວນ​ປະ​ເພດ​ສິນຄ້າ​ຂອງ​ຫວຽດນາມ​ ທີ່ມີ​ວົງ​ເງິນ​ສົ່ງ​ອອກ​ກ່ວາ 1 ຕື້ USD ຂຶ້ນ​ເຖິງ 22 ປະ​ເພດ. ທ່ານ Tran Thanh Hai ຫົວໜ້າ​ກົມ​ສົ່ງ​ອອກ​ນຳ​ເຂົ້າ, ກະຊວງ​ອຸດສາຫະກຳ​ການ​ຄ້າ​ຫວຽ​ດາມ ໃຫ້​ຮູ້​ວ່າ:

   “​ການ​ຫລຸດຜ່ອນ​ລະດັບ​ນຳ​ເຂົ້າ​ເກີນ​ດຸນ​ບໍ່​ມີ​ຫຍັງ​ພິດ​ປົກກະຕິ​ຍ້ອນ​ວ່າ​ວົງ​ເງິນ​ສົ່ງ​ອອກ​ຍັງ​ເພີ່ມ​ຂຶ້ນ​ປະມານ 6%. ສາຍ​ເຫດ​ແມ່ນ​ບັນດາ​ມາດ​ຕະການ​ຄຸ້ມ​ຄອງ​ການ​ນຳ​ເຂົ້າ​ໄດ້​ມີ​ປະ​ໂຫຍ​ດ,​ ປະຈຸ​ບັນ, ບັນດາ​ປະ​ເພດ​ສິນຄ້າພາຍ​ໃນ​ປະ​ເທດ​ສາມາດຕອບ​ສະໜອງ​ຄວາມ​ຕ້ອງການ​ຂອງ​ບັນດາ​ປະ​ເພດ​ສິນຄ້າ​ແທນ​ການ​ນຳ​ເຂົ້າ. ການ​ນຳ​ເຂົ້າຂອງ​ບັນດາ​ປະ​ເພດ​ສິນຄ້າ​ພວມ​ມີ​ທ່າອ່ຽງຫລຸດ​ລົງ, ປະກອບສ່ວນ​ຫລຸດຜ່ອນ​ມູນ​ຄ່າ​ບັນດາ​ປະ​ເພດ​ສິນຄ້ານຳ​ເຂົ້າ.“.