ຕາມຕົວເລກອັບເດດຫຼ້າສຸດຂອງສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳ ຫວຽດນາມ (VASEP) ແລ້ວ, ປີ 2022, ຄາດວ່າ, ການສົ່ງອອກສິນໃນນ້ຳ ຫວຽດນາມ ຈະບັນລຸລະດັບ 11 ຕື້ USD. ປະຈຸບັນ, ການສົ່ງອອກກຸ້ງ ບັນລຸລະດັບ 4,3 ຕື້ USD, ເພີ່ມຂຶ້ນ 30%; ການສົ່ງອອກປາຈາ ໄດ້ລື່ນກາຍຕົວເລກ 2 ຕື້ USD, ເພີ່ມຂຶ້ນກ່ວາ 80% ເມື່ອທຽບໃສ່ໄລຍະດຽວກັນຂອງປີ 2021 ແລະ ອາດຈະລື່ນກາຍລະດັບ 2,5 ຕື້ USD ໃນທ້າຍປີນີ້; ເປັນຄັ້ງທຳອິດ, ປາທູນ່າລື່ນກາຍຄາດໝາຍ 1 ຕື້ USD… ວົງເງິນການສົ່ງອອກບັນດາຜະລິດຕະພັນສິນໃນນ້ຳລ້ວນແຕ່ເຕີບໂຕຢູ່ໃນລະດັບ 2 ຕົວເລກ, ແຕ່ 18 – 77%.

        ທ່ານ ເຈືອງດິ່ງແຮ່ວ, ເລຂາທິການ VASEP, ໃຫ້ຮູ້ວ່າ: ການສົ່ງອອກສິນໃນນ້ຳຂອງ ຫວຽດນາມ ໄດ້ຟື້ນຟູສົມບູນພາຍຫຼັງ ໂຄວິດ - 19. 4 ຕະຫຼາດ (ຄື: ສະຫະພາບເອີລົບ, ອາເມລິກາ, ຈີນ ແລະ ຍີ່ປຸ່ນ) ກວມເອົາ 74% ຍອດວົງເງິນສົ່ງອອກສິນໃນນ້ຳຂອງ ຫວຽດນາມ; ໃນນັ້ນ, ເປັນຄັ້ງທຳອິດ ການສົ່ງອອກເຂົ້າຕະຫຼາດ ອາເມລິກາ ບັນລຸ 2 ຕື້ USD… ອາດຈະເຫັນວ່າ ການສົ່ງອອກສິນໃນນ້ຳຂອງ ຫວຽດນາມ ເຂົ້າຕະຫຼາດແຫ່ງຕ່າງໆ ລ້ວນແຕ່ເພີ່ມຂຶ້ນ ເຊິ່ງແມ່ນສັນຍານທີ່ດີສະແດງໃຫ້ເຫັນວ່າໃນຈຸດເວລາທີ່ຫຍຸ້ງຍາກ, ວິສາຫະກິດສິນໃນນ້ຳຍັງຊອກເຫັນກາລະໂອກາດ, ຜ່ານຜ່າບັນດາສິ່ງທ້າທາຍໄດ້.