(ພາບປະກອບ: VTV)

ຕາມການຄາດຄະເນຂອງກົມໃຫຍ່ກະສິກຳ-ປ່າໄມ້, ກະຊວງກະສິກຳ ແລະ ພັດທະນາຊົນນະບົດຫວຽດນາມ ແລ້ວ, ດ້ວຍທ່າເຕີບໂຕໃນໄລຍະ 6 ເດືອນຕົ້ນປີ 2020, ການສົ່ງອອກເຄື່ອງປ່າຂອງດົງທັງປີ 2020 ຄາດວ່າຈະບັນລຸລະດັບ 11,75 – 12 ຕື້ USD.

        ທ່ານ ຮ່າກົງຕ໊ວນ, ຮອງລັດຖະມົນຕີຜູ້ປະຈຳການກະຊວງກະສິກຳ ແລະ ພັດທະນາຊົນນະບົດຫວຽດນາມ ຖືວ່າ: ຂົງເຂດກະສິກຳ-ປ່າໄມ້ ໄດ້ປະກອບການເຕີບໂຕ ແລະ ການສົ່ງອອກສູງທີ່ສຸດໃນຂະແໜງກະສິກຳໃນໄລຍະ 6 ເດືອນຕົ້ນປີ 2020. ທ່ານ ຮ່າກົງຕ໊ວນ ສະເໜີວ່າ, ໃນໄລຍະຈະມາເຖິງ, ກົມໃຫຍ່ກະສິກຳ-ປ່າໄມ້ ຕ້ອງແນະນຳ, ກວດກາ, ສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ ເພື່ອແນະນຳໃຫ້ວິສາຫະກິດແກ້ໄຂການຂັດແຍ້ງດ້ານການຄ້າ, ໂດຍສະເພາະແມ່ນບັນຫາກ່ຽວກັບໄມ້ຊະນິດຕ່າງໆ; ຕີລາຄາຜົນກະທົບຂອງບັນຫານີ້.