(vovworld) – ການສົ່ງອອກໃນ 6 ເດືອນຕົ້ນປີ 2014 ມີບັນດາສັນຍານທີ່ຕັ້ງໜ້າເມື່ອທຽບໃສ່ໄລຍະດຽວກັນຂອງປີ 2013. ຕາມຕົວເລກຂອງກົມໃຫຍ່ສະຖິຕິແລ້ວ, ວົງເງິນສົ່ງອອກໃນ 6 ເດືອນຕົ້ນປີບັນລຸ 70,9 ຕື້ USD. ເມື່ອທຽບໃສ່ໄລຍະດຽວກັນຂອງປີ 2013, ວົງເງິນສົ່ງອອກເພີ່ມຂຶ້ນເກີອບ 15%, ສູງເກືອບທົບ 3 ເທົ່າເມື່ອທຽບໃສ່ລະດັບເຕີບໂຕດ້ານເສດຖະກິດ.
ໃນ 6 ເດືອນມີ 13 ປະເພດສິນຄ້າບັນລຸວົງເງິນແຕ່ 1 ຕື້ USD ຂຶ້ນໄປ. ຄາດວ່າ, ທັງປີຈະມີສິນຄ້າ 22 ປະເພດ, ຫຼາຍກວ່າປີ 2013 1 ປະເພດສິນຄ້າ ແລະ ເປັນຄັ້ງທຳອິດທີ່ຫວຽດນາມ ມີສິນຄ້າ 2 ປະເພດແມ່ນ ໂທລະສັບ ແລະ ເຄື່ອງຕ່ຳແຜ່ນຕັດຫຍິບລື່ນກາຍວົງເງິນ 20 ຕື້ USD. ໃນ 6 ເດືອນຕົ້ນປີ 2014 ຫວຽດນາມ ໄດ້ສົ່ງອອກເກີນດູນ 1,3 ຕື້ USD. ຈາກໝາກຜົນຂອງ 6 ເດືອນຕົ້ນປີ, ຄາດວ່າປີ 2014, ຫວຽດນາມ ຈະບໍ່ນຳເຂົ້າເກີນດູນ ຫາກຈະສົ່ງອອກເກີນດູນ ແລະ ນີ້ແມ່ນປີທີ 3 ຢ່າງລຽນຕິດທີ່ຫວຽດນາມ ບັນລຸວົງເງິນສົ່ງອອກເກີນດູນ.