ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ
(ພາບປະກອບ)
(vovworld) - “ສະມາຊິກສະພາແຫ່ງຊາດ (ສສຊ) ແລະ 5 ປີແຫ່ງການປະຕິບັດກົດໝາຍວ່າດ້ວຍຄວາມສະເໝີພາບລະຫວ່າງຍິງ - ຊາຍ” ແມ່ນຫົວຂໍ້ຂອງການສົນທະນາໂດຍກຸ່ມສະມາຊິກສະພາແຫ່ງຊາດຍິງຫວຽດນາມ, ກຳມາທິການກ່ຽວກັບບັນດາບັນຫາສັງຄົມຂອງສະພາແຫ່ງຊາດ ແລະ ກະຊວງການຕ່າງປະເທດ ສົມທົບກັນຈັດຕັ້ງຂຶ້ນເມື່ອຕອນຄໍ່າວັນທີ 05/06, ຢູ່ຮ່າໂນ້ຍ. ກ່າວຄຳເຫັນຢູ່ທີ່ນີ້, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໃຫ້ຮູ້ວ່າ ພາຍຫຼັງ 5 ປີແຫ່ງການປະຕິບັດກົດໝາຍວ່າດ້ວຍຄວາມສະເໝີພາບລະຫວ່າງຍິງ - ຊາຍ, ຫວຽດນາມ ໄດ້ມີບາດກ້າວທີ່ເປັນໜ້າຮັບຮູ້. ປີ 2012, ຫວຽດນາມ ໄດ້ຮັບຕີລາຄາວ່າ ແມ່ນປະເທດຢືນອັນດັບ 3 ໃນພາກພື້ນອາຊຽນ ກ່ຽວກັບດັດຊະນີສະເໝີພາບລະຫວ່າງຍິງ - ຊາຍ. ແຕ່ວ່າ, ຕາມທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ແລ້ວ, ເພື່ອບັນລຸໄດ້ຄາດໝາຍສະເໝີພາບລະຫວ່າງຍິງ - ຊາຍ, ໃນສະພາບຕົວຈິງຍັງມີສິ່ງທ້າທາຍຫຼາຍຢ່າງ. ນີ້ແມ່ນວິວັດອັນຍາວນານ, ຮຽກຮ້ອງໃຫ້ມີຄວາມມານະພະຍາຍາມກວ່າອີກໃນການປະກາດໃຊ້ ແລະ ຈັດຕັ້ງປະຕິບັດບັນດານະໂຍບາຍ, ຊອກຫາບັນດາມາດຕະການເພື່ອໃຫ້ແມ່ຍິງ ແລະ ເດັກຍິງ ເຂົ້າຮ່ວມ, ໄດ້ຊົມໃຊ້ຄວາມຍຸທິທຳໂດຍການພັດທະນາເສດຖະກິດສັງຄົມນຳມາໃຫ້.