ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ
(ພາບ: .chinhphu.vn)
(vovworld) - ການສົນທະນາດ້ວຍຫົວຂໍ້ວ່າ “ບົດບາດຂອງວິສາຫະກິດ ແລະ ພາກເອກະຊົນໃນວຽກງານປ້ອງກັນ, ຕ້ານການສໍ້ລາດບັງຫຼວງ” ໂດຍອົງການກວດກາລັດຖະບານ, ຫ້ອງການການຄ້າ ແລະ ອຸດສາຫະກຳຫວຽດນາມ ສົມທົບກັບສະຖານທູດແຫ່ງລາຊະອານາຈັກອັງກິດ, ຜູ້ຕາງໜ້າກະຊວງພັດທະນາສາກົນອັງກິດ ປະຈຳຫວຽດນາມ ຈັດຕັ້ງຂຶ້ນໃນຕອນເຊົ້າວັນທີ 12/11, ທີ່ຮ່າໂນ້ຍ. ກ່າວຄຳເຫັນໄຂການສົນທະນາ, ທ່ານຫົວໜ້າອົງການກວດກາລັດຖະບານ ຮີ່ນຟອງແຈງ, ໃຫ້ຮູ້ວ່າ.
“ການສົນທະນາກ່ຽວກັບການປ້ອງກັນ, ຕ້ານການສໍ້ລາດບັງຫຼວງຄັ້ງທີ 12 ແມ່ນການເຄື່ອນໄຫວທີ່ມີຄວາມໝາຍຢ່າງແທດຈິງ, ຖືກກັບຈຸດເວລາ. ຂ້າພະເຈົ້າເຊື່ອໝັ້ນວ່າ ບັນດາບົດລາຍງານຄົ້ນຄວ້າ, ຂໍ້ສະເໜີແນະ ແລະ ບັນດາພຶດຕິກຳຕົວຈິງທີ່ໄດ້ນຳມາແນະນຳ, ແບ່ງປັນທີ່ການສົນທະນາຄັ້ງນີ້ ຈະໄດ້ຮັບການພິຈາລະນາ, ຄົ້ນຄວ້າຢ່າງລະອຽດຈາກບັນດາອົງການທີ່ມີໜ້າທີ່ ເພື່ອຮັບຮອງ, ນຳໃຊ້ຢ່າງເໝາະສົມ, ຖືກກັບສະພາບຕົວຈິງຢູ່ຫວຽດນາມ. ຜ່ານນັ້ນສ້າງສະພາບແວດລ້ອມແຫ່ງການດຳເນີນທຸລະກິດຢ່າງຍຸຕິທຳ, ກະຈາງແຈ້ງ, ບໍ່ມີການສໍ້ລາດບັງຫຼວງ.”
ກ່າວຄຳເຫັນທີ່ການເຈລະຈາ, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ຊີ້ແຈ້ງວ່າ: ຍາມໃດຫວຽດນາມ ກໍ່ກຳນົດວຽກງານປ້ອງກັນ, ຕ້ານການສໍ້ລາດບັງຫຼວງ ແມ່ນໜ້າທີ່ຂອງທັງລະບົບການເມືອງ, ຂອງທົ່ວສັງຄົມ, ໃນນັ້ນປະຊາຄົມວິສາຫະກິດຮັກສາບົດບາດສຳຄັນ.