ບັນດາຜູ້ແທນເຂົ້າຮ່ວມ ການສົນທະນາດ້ານນະໂຍບາຍປ້ອງກັນປະເທດຂັ້ນຮອງລັດຖະມົນຕີ ລະຫວ່າງ ຫວຽດນາມ - ສ.ເກົາຫຼີ (ພາບ: ແມ້ງຮູງ/TTXVN)

ທີ່ການ ສົນທະນາໃນວັນທີ 20 ມິຖຸນາ, ສອງຝ່າຍໄດ້ແລກປ່ຽນກ່ຽວກັບສະພາບການຄວາມໝັ້ນຄົງໂລກ, ພາກພື້ນ ແລະ ບັນດາບັນຫາທີ່ຕ່າງຝ່າຍຕ່າງມີຄວາມສົນໃຈເພື່ອແນໃສ່ເພີ່ມທະວີຄວາມເຂົ້າໃຈ ແລະ ໄວ້ເນື້ອເຊື່ອໃຈເຊິ່ງກັນ ແລະ ກັນ. ກ່ຽວກັບການຮ່ວມມມືປ້ອງກັນຊາດສອງຝ່າຍ, ສອງຝ່າຍໄດ້ເຫັນດີເປັນເອກະພາບຊຸກຍູ້ບາງເນື້ອໃນການຮ່ວມມືທີ່ເໝາະສົມກັບຄວາມສາມາດຂອງແຕ່ລະຝ່າຍ. ກ່ຽວກັບກົນໄກການຮ່ວມມືຫຼາຍຝ່າຍ, ສອງຝ່າຍໄດ້ເຫັນດີເປັນເອກະພາບເພີ່ມທະວີການແລກປ່ຽນຂໍ້ມູນຂ່າວສານ, ທາບທາມຄຳເຫັນ ແລະ ປະສານສົມທົບກັນໃນບັນດາເວທີປາໄສຫຼາຍຝ່າຍ. ຫວຽດນາມ ໄດ້ຢັ້ງຢືນວ່າ ຈະສະໜັບສະໜູນ ສ.ເກົາຫຼີ ເຂົ້າຮ່ວມບັນດາກົນໄກການຮ່ວມມືຄວາມໝັ້ນຄົງຫຼາຍຝ່າຍຢ່າງມີຄວາມຮັບຜິດຊອບ, ໃນຂະນະນັ້ນ, ສ.ເກົາຫຼີ ໃຫ້ຄຳໝັ້ນສັນຍາວ່າຈະສະໜັບສະໜູນ ຫວຽດນາມ ໃນ ວຽກງານກະກຽມ ແລະ ຈັດຕັ້ງ ເຫດການປ້ອງກັນຊາດ ແລະ ການທະຫານ ໃນປີ 2020 ເມື່ອ ຫວຽດນາມ ດຳລົງຕຳແໜ່ງເປັນປະທານ ອາຊຽນ.