(vovworld) - ວັນທີ 07/03, ຢູ່ New Delhi, ການສົນທະນາລະຫວ່າງອາຊຽນ - ອິນເດຍ ຄັ້ງທີ 6 ສືບຕໍ່ປຶກສາຫາລືບັນດາບັນຫາສຳຄັນ ຕາມຈິດໃຈຖະແຫຼງການວິໄສທັດ ເຊິ່ງໄດ້ຍົກອອກມາທີ່ກອງປະຊຸມຂັ້ນສູງເນື່ອງໃນໂອກາດສະເຫຼີມສະຫຼອງ 20 ປີແຫ່ງວັນສ້າງຕັ້ງການພົວພັນຄູ່ຮ່ວມມືເຈລະຈາອາຊຽນ - ອິນເດຍ ເມື່ອເດືອນ 12/2012. ທ່ານເລຂາທິການໃຫຍ່ອາຊຽນ ເລເລືອງມິງ ຊີ້ແຈ້ງວ່າ ໃນໄລຍະ 5 ປີແຫ່ງການປະຕິບັດທິດທາງມຸ່ງໄປເຖິງການສ້າງປະຊາຄົມໃນເດືອນ 12/2015, ກວ່າ 80% ຈຳນວນມາດຕະການທີ່ໄດ້ຍົກອອກມາ ໃນແຜນຮ່າງລະອຽດ 3 ສະບັບໄດ້ຮັບການປະຕິບັດ. ໃນວິວັດການດັ່ງກ່າວ, ອາຊຽນ ໄດ້ເພີ່ມທະວີການຮ່ວມສຳພັນດ້ານເສດຖະກິດ, ມີໜ້າທີ່ຮັບຜິດຊອບດ້ານສັງຄົມ ແລະ ຫຼຸດຜ່ອນຄວາມແຕກໂຕນລະຫວ່າງບັນດາປະເທດສະມາຊິກ. ທີ່ຕັ້ງບົດບາດຂອງອາຊຽນ ໃນພາກພື້ນ ແລະ ຢູ່ໃນໂລກ ໄດ້ຮັບການຍົກສູງຂຶ້ນກວ່າເວລາໃດໝົດ. ທ່ານເລຂາທິການໃຫຍ່ເລເລືອງມິງ ໃຫ້ຮູ້ວ່າ ໃນຖະແຫຼງການວິໄສທັດ, ບັນດາການນຳອາຊຽນ ແລະ ອິນເດຍ ໄດ້ໃຫ້ຄຳໝັ້ນສັນຍາຈະເພີ່ມທະວີການເຊື່ອມຕໍ່ລະຫວ່າງອາຊຽນ - ອິນເດຍ. ບັນດາການນຳ ອາຊຽນ - ອິນເດຍ ໄດ້ເນັ້ນໜັກເຖິງຄວາມສຳຄັນຂອງການຮ່ວມມືດ້ານເສດຖະກິດ, ການຄ້າ, ວັດທະນະທຳ, ສັງຄົມ...