ການສະເຫຼີມສະຫຼອງ40ປີແຫ່ງວັນປົດປ່ອຍພາກໃຕ້ຢ່າງສົມບູນ,ໂຮມປະເທດຊາດເປັນເອກະພາບຢູ່ທ້ອງຖິ່ນຕ່າງໆ

ວັນອັງຄານ ທີ 28 ເມສາ ຄ.ສ. 2015 | 15:31:18

ຮອງນາຍົກລັດຖະມົນຕີ ຫງວຽນຊວນຟຸກ ໄດ້ມອບຂອງຂວັນໃຫ້
ບັນດານັກປະຕິວັດຜູ້ອາວຸໂສແຂວງ ຊອກຈັງ

(vovworld) – ຕອນເຊົ້າວັນທີ 28/4, ຄະນະພັກແຂວງ ວີ້ງລອງ ໄດ້ຈັດຕັ້ງພິທີໂຮມຊຸມນຸມມິດຕິງສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບ (30/4/1975 – 30/4/2015). ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຕີລາຄາສູງຄວາມສາມັກຄີເປັນຈິດໜຶ່ງໃຈດຽວມານະພະຍາຍາມສຸຊົນຜ່ານຜ່າຄວາມຫຍຸ້ງຍາກຂອງແຂວງໃນການຮຳບາດແຜສົງຄາມເພື່ອຟື້ນຟູ ແລະ ພັດທະນາເສດຖະກິດ, ກໍ່ສ້າງແຂວງ ວີ້ງລອງໃຫ້ນັບມື້ນັບຮັ່ງມີ, ສວຍງາມ. ກ່ອນໜ້ານັ້ນ, ຕອນຄ່ຳວັນທີ 27/4, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຮ່ວມພິທີໂຮມຊຸມນຸມມິດຕິງສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບ ຢູ່ນະຄອນ ຊອກຈັງ, ແຂວງ ຊອກຈັງ.

ແລະກໍ່ໃນຕອນຄຳ່ວັນທີ 27/4, ແຂວງ ດົ່ງນາຍ ໄດ້ຈັດຕັ້ງພິທີສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບ. ເຂົ້າຮ່ວມ ແລະ ກ່າວຄຳເຫັນທີ່ພິທີ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ຢັ້ງຢືນວ່າ: 40 ປີຜ່ານມາ, ຄະນະພັກ, ອຳນາດການປົກຄອງ, ກອງທັບ ແລະ ປະຊາຊົນແຂວງ ດົ່ງນາຍ ບັນລຸໄດ້ບັນດາຜົນງານອັນໃຫຍ່ຫຼວງ, ຊີວິດທາງດ້ານວັດຖຸ, ຈິດໃຈຂອງປະຊາຊົນມີການຫັນປ່ຽນຢ່າງເຫັນໄດ້ຊັດ.

ຕອນຄ່ຳວັນທີ 27/4, ເມື່ອເຂົ້າຮ່ວມ ພິທີສະເຫຼີມສະຫຼອງ 40 ປີແຫ່ງວັນປົດປ່ອຍພາກໃຕ້ຢ່າງສົມບູນ, ໂຮມປະເທດຊາດເປັນເອກະພາບ (30/4/1975 – 30/4/2015), ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ຕີລາຄາສູງບັນດາການປະກອບສ່ວນຂອງກອງທັບ ແລະ ປະຊາຊົນແຂວງ ເບ໋ນແຈ ໃນການຕໍ່ສູ້ຕ້ານອາເມລິກາ ກູ້ຊາດ. ທ່ານນາງຮອງປະທານສະພາແຫ່ງຊາດ ສະເໜີໃຫ້ຄະນະພັກ, ອຳນາດການປົກຄອງ ແລະ ກອງທັບ, ປະຊາຊົນແຂວງ ເບ໋ນແຈ ເສີມຂະຫຍາຍຜົນງານທີ່ບັນລຸໄດ້ໃນການຕໍ່ຕ້ານ ກໍ່ຄື 40 ປີແຫ່ງການສ້າງສາ, ພັດທະນາບ້ານເກີດເມືອງນອນ, ປະກອບສ່ວນນຳເສດຖະກິດ - ສັງຄົມຂອງແຂວງນັບມື້ນັບພັດທະນາ.