(VOVWORLD) -ຕອນເຊົ້າວັນທີ 19 ສິງຫາ, ຢູ່ຮ່າໂນ້ຍ, ຄະນະໂຄສະນາສຶກສາສູນກາງພັກກອມມູນິດຫວຽດນາມ ໄດ້ຈັດຕັ້ງລາຍການພົບປະແລກປ່ຽນກັບບັນດາແບບຢ່າງດີເດັ່ນໃນການຮໍ່າຮຽນ ແລະ ປະຕິບັດຕາມແນວຄິດ, ຄຸນສົມບັດ ແລະ ວິຖີຊີວິດຂອງປະທານໂຮ່ຈີມິນ ປີ 2019 ໃນຂອບເຂດເທົ່ວປະເທດ ດ້ວຍຫົວຂໍ້ “ໂຮ່ຈີມິນ - ເສັ້ນທາງແຫ່ງຄວາມຫວັງ”.
 ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ (ພາບ: VGP) |
ທີ່ການພົບປະແລກປ່ຽນ, ມີ 25 ບຸກຄົນເປັນແບບຢ່າງດີເດັ່ນໄດ້ຮັບໃບຍ້ອງຍໍຂອງນາຍົກລັດຖະມົນຕີ. ກ່າວຄໍາເຫັນນະທີ່ນີ້, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເນັ້ນໜັກວ່າ:
“ການຮໍ່າຮຽນ ແລະ ປະຕິບັດຕາມແນວຄິດ, ຄຸນສົມບັດ ແລະ ວິຖີຊີວິດຂອງປະທານໂຮ່ຈີມິນ ແມ່ນໜ້າທີ່ສໍາຄັນ, ຕ້ອງປະຕິບັດເປັນປະຈໍາ ແລະ ຍາວນານ ຂອງທຸກອົງການຈັດຕັ້ງພັກ, ອໍານາດການປົກຄອງຂັ້ນຕ່າງໆ, ບັນດາອົງການຈັດຕັ້ງການເມືອງ-ສັງຄົມ, ພະນັກງານ, ສະມາຊິກພັກ.. ປະກອບສ່ວນເຂົ້າໃນການກໍ່ສ້າງພັກ, ສ້າງລະບົບການເມືອງໂປ່ງໃສ, ໝັ້ນຄົງເຂັ້ມແຂງ, ສ້າງພື້ນຖານວັດທະນະທໍາ ແລະ ຊາວຫວຽດນາມ ຕອບສະໜອງໄດ້ຕາມການພັດທະນາແບບຍືນຍົງຂອງປະເທດຊາດ”.
ໃນໄລຍະຈະມາເຖິງ, ເພື່ອໃຫ້ການຮໍ່າຮຽນ ແລະ ປະຕິບັດຕາມແນວຄິດ, ຄຸນສົມບັດ ແລະ ວິຖີຊີວິດຂອງປະທານໂຮ່ຈີມິນບັນລຸໝາກຜົນທີ່ດີກວ່າເກົ່ານັ້ນ, ທ່ານນາຍົກລັດຖະມົນຕີຖືວ່າ: ຄວນປະຕິບັດວຽກງານໂຄສະນາ, ສຶກສາເພື່ອໃຫ້ທຸກຄົນຮັບຮູ້ໄດ້ຢ່າງເລິກເຊິ່ງເນື້ອໃນພື້ນຖານ ແລະ ຄຸນຄ່າອັນຍິ່ງໃຫຍ່ຂອງແນວຄິດ, ຄຸນສົມບັດ, ວິຖີຊີວິດຂອງປະທານໂຮ່ຈີມິນ ແລະ ສືບຕໍ່ຍູ້ແຮງການທະວີຄຸນບັນດາຂະບວນການແຂ່ງຂັນຮັກ ຊາດຢູ່ທຸກຂັ້ນ, ທຸກຂະແໜງການ, ປະຊາຊົນທຸກຊັ້ນວັນນະ ແລະ ຢູ່ໃນທຸກຂົງເຂດ.