ພິທີລົງນາມບົດບັນທຶກຊ່ວຍຈຳ (MOU) ກ່ຽວກັບການສ້າງຕັ້ງຄະນະກຳມະການປະສົມກ່ຽວກັບເສດຖະກິດ (JEC)ແບບທາງໄກ ລະຫວ່າງ ຫວຽດນາມ ແລະ ການາດາ (ພາບ: TTXVN)

ຕອນເຊົ້າວັນທີ 11 ມັງກອນ (ຕາມເວລາ ຫວຽດນາມ), ທ່ານນາງ Mary Ng ລັດຖະມົນຕີຮັບຜິດຊອບ ດ້ານການຄ້າ ສາກົນ, ສົ່ງເສີມການສົ່ງອອກ, ວິສາຫະກິດຂະໜາດນ້ອຍ ແລະ ພັດທະນາເສດຖະກິດ ຂອງ ການາດາ ແລະ ທ່ານ ຫງວຽນຮົ່ງຢຽນ ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ເປັນສັກຂີພິຍານ ພິທີລົງນາມບົດບັນທຶກຊ່ວຍຈຳ (MOU) ກ່ຽວກັບການສ້າງຕັ້ງຄະນະກຳມະການປະສົມກ່ຽວກັບເສດຖະກິດ (JEC)ແບບທາງໄກ ລະຫວ່າງ ຫວຽດນາມ ແລະ ການາດາ.

ກ່າວຄຳເຫັນທີ່ເຫດການ, ທ່ານນາງ Mary Ng ຢັ້ງຢືນວ່າ, ການາດາເຫັນໄດ້ລະດັບຄວາມສຳຄັນ ທີ່ນັບມື້ນັບເພີ່ມຂຶ້ນໃນການສ້າງກາລະໂອກາດທາງການຄ້າ ກັບ ຫວຽດນາມ ແລະ ພາກພື້ນ ມະຫາສະໝຸດອິນເດຍ - ປາຊີຟິກ, ສຳລັບລະບົບສະໜອງ, ກຳລັງແຮງເຕີບໂຕດ້ານເສດຖະກິດ ໃນໄລຍະຍາວ ແລະ ຄວາມສາມາດແກ້ງແຍ້ງຂອງ ການາດາ. ບັນດາວິສາຫະກິດ ແລະ ຜູ້ອອກແຮງງານ ຢູ່ ທັງສອງປະເທດ ຈະໄດ້ຮັບຜົນປະໂຫຍດ ຈາກບັນດາລະບົບສະໜອງທີ່ເປັນຫຼາຍຮູບແບບ ແລະ ໝັ້ນແກ່ນ, ດ້ວຍການໜູນຊ່ວຍຈາກຄະນະກຳມະການປະສົມກ່ຽວກັບດ້ານເສດຖະກິດ.

ບົດບັນທຶກຊ່ວຍຈຳຈະສ້າງພື້ນຖານເພື່ອເພີ່ມທະວີການໂອ້ລົມສົນທະນາ ແລະ ການຮ່ວມມື ກ່ຽວກັບການໃຫ້ບຸລິມະສິດລວມ ແລະ ຫາກໍ່ພົ້ນເດັ່ນຂຶ້ນ ກັບ ຫວຽດນາມ - ຄູ່ຮ່ວມມືການຄ້າໃຫຍ່ທີ່ສຸດ ຂອງ ການາດາ ໃນອາຊຽນ. ບົດບັນທຶກຊ່ວຍຈຳ ບໍ່ພຽງແຕ່ປະກອບສ່ວນເຮັດໃຫ້ການພົວພັນສອງຝ່າຍ ການາດາ - ຫວຽດນາມ ເລິກເຊິ່ງກ່ວາອີກ, ຫາກຍັງເພີ່ມທະວີການມີໜ້າຂອງ ການາດາຢູ່ ມະຫາສະໝຸດ ອິນເດຍ - ປາຊີຟິກອີກດ້ວຍ.