(ພາບ: VGP/Quang Hiếu)

    ນີ້ກໍ່ແມ່ນກາລະໂອກາດອັນລ້ຳຄ່າ ເພື່ອໃຫ້ການນຳໄດ້ຮັບຟັງຄວາມເຫັນປະກອບຈາກຝ່າຍ ASEAN-BAC , ຢັ້ງຢືນຄວາມຕັດສິນໃຈຂອງອາຊຽນ, ຄວາມສາມັກຄີໃນທຸກການກະທຳ, ເປັນເຈົ້າການຮັບມືກັບທຸກສະພາບການ.

   ກ່າວຄຳເຫັນທີ່ວາລະປະຊຸມດັ່ງກ່າວ, ທ່ານນາຍົກລັດຖະມົນຕີຫວຽດນາມ ຫງວຽນຊັວນຟຸກ ໄດ້ແບ່ງປັນຄວາມຫຍຸ້ງຍາກ ຊື່ງປະຊາຄົມວິສາຫະກິດໄດ້ ແລະ ກຳລັງປະສົບໃນໄລຍະຜ່ານມາ. ບັນດາລັດຖະບານໃຫ້ຄຳໝັ້ນສັນຍາວ່າ ຈະເຮັດຈົນສຸດຄວາມສາມາດຂອງຕົນ ເພື່ອໜູນຊ່ວຍປະຊາຄົມວິສາຫະກິດ ແລະ ນັກທຸລະກິດຜ່ານຜ່າສິ່ງທ້າທາຍຂອງໂລກລະບາດ, ຟື້ນຟູ, ເຊື່ອມຕໍ່ການບໍລິການ, ພັດທະນາການຜະລິດໂດຍໄວ.

   ຕາງໜ້າວິສາຫະກິດອາຊຽນ ໄດ້ສະແດງການສະໜັບສະໜູນຕໍ່ຄວາມມານະພະຍາຍາມຂອງລັດຖະບານບັນດາປະເທດອາຊຽນຕໍ່ສິ່ງທ້າທາຍທີ່ໄດ້ວາງອອກຈາກພະຍາດໂຄວິດ-19. ທີ່ວາລະປະຊຸມ, ບັນດາຜູ້ແທນໄດ້ເນັ້ນໜັກເຖິງຄວາມໝາຍສຳຄັນ ໃນການຊຸກຍູ້ການສິ້ນສຸດການເຈລະຈາ ແລະ ລົງນາມສັນຍາຄູ່ຮ່ວມມືຮອບດ້ານພາກພື້ນ (RCEP), ເຊື່ອໝັ້ນວ່າ ວິວັດທະນາການນີ້ ຈະປະກອບສ່ວນຢ່າງໃຫ່ຫຼວງ ໃຫ້ແກ່ຄວາມມານະພະຍາຍາມ ຟື້ນຟູເສດຖະກິດຂອງພາກພື້ນ.