ການເຄື່ອນໄຫວ ສະເຫຼີມສະຫຼອງ ວັນກຳມະກອນສາກົນ
ການນຳສະຫະພັນໃຫຍ່ແຮງງານຫວຽດນາມ
ຢ້ຽມຢາມກຳມະກອນຜູ້ຖືກອຸບັດຕິເຫດໃນການອອກແຮງງານ
|
Vovworld- ເພື່ອເປັນການສະເຫຼີມສະຫຼອງ 126 ປີແຫ່ງວັນກຳມະກອນສາກົນ, ຕອນເຊົ້າວັນທີ 1/5 ຢູ່ນະຄອນໂຮຈິມິນ, ສະຫະພັນແຮງງານນະຄອນໄດ້ຈັດການ ພົບປະສັງສັນ ແລະ ມອບຂອງຂວັນໃຫ້ແກ່ກຳມະກອນຊາຍຜູ້ຖືກອຸບັດຕິເຫດໃນການອອກແຮງງານ. ສະຫະພັນແຮງງານນະຄອນ ໂຮຈິມິນ ໄດ້ມອບຂອງຂວັນ 177 ພູດ, ພຸດລະມີມຸນຄ່າກ່ວາ 300.000 ດົງ ຊຶ່ງລວມມີເຂົ້າໜົມ, ນ້ຳນົມ ແລະ ເງິນສົດໃຫ້ແກ່ກຳມະກອນຊາຍ 177 ຄົນທີ່ ຖືກອຸບັດຕິເຫດໃນການອອກແຮງງານດ້ວຍອັດຕາບາດເຈັບແຕ່ 41%ຂຶ້ນໄປ. ໃນຂະນະນັ້ນ,ເພື່ອເປັນການຕອບສະໜອງເດືອນກຳມະກອນປີ 2012 ຊຶ່ງເລີ່ມແຕ່ 1/5, ສະຫະພັນ ແຮງງານແຂວງ ກວາງງ້າຍ ໄດ້ສົມທົບໂຮງໝໍແຂວງ ດຳເນີນການກວດ ແລະ ປິນປົວພະຍາດ, ສະໜອງຢາຟີໃຫ້ແຫ່ກຳມະກອນຢູ່ບາງວິສາຫະກິດໃນບໍລິເວນແຂວງ. ພ້ອມກັນນັ້ນກໍສົມທົບກັບພະແນກອຸດສາຫະກຳ-ການຄ້າແຂວງຈັດການຂາຍສິນຄ້າຫຼຸດລາຄາໃຫ້ແກກຳມະກອນຢູ່ຕາມບັນດາເຂດອຸດສາຫະກຳ. ທ່ານນາງ Ngo Thi Kim Ngoc ປະທານ ສະຫະພັນແຮງງານແຂວງ ກວາງງ້າຍ ໃຫ້ຮູ້ວ່າ :
“ ນອກຈາກການເຄື່ອນໄຫວກິລາ, ລະຫຼິ້ນຢ່ອນໃຈ, ໃນວັນບຸນກຳມະກອນ, ພວກຂ້າພະເຈົ້າປຸກລະດົມບັນດາອົງການ, ສຳນັກງານ, ວິສາຫະກິດ ປະກອບສ່ວນໜູນຊ່ວຍກໍ່ສ້າງເຮືອນແຫ່ງຄວາມອົບອຸ່ນ 10 ຫຼັງ ໃຫ້ແກ່ກຳມະກອນຜູ້ອອກແຮງງານທີ່ປະສັບຄວາມຫຍຸ້ງຍາກດ້ານເຮືອນຢູ່. ໃນວັນກຳມະກອນສາກົນຄັ້ງນີ້, ຈຸດພົ້ນເດັ່ນແມ່ນພວກຂ້າພະເຈົ້າເຊີດຊູ, ຍ້ອງຍໍກຳມະກອນດີເດັ່ນ ປະກອບສ່ວນເຂົ້າໃນການພັດທະນາຂອງແຂວງ ”