ທ່ານນາຍົກລັດຖະມົນຕີຫງວຽນເຕີນຢູງ
ແລະ ທ່ານປະທານາທິບໍດີອິນໂດເນເຊຍ Susilo Bambang Yudhoyono
ພາບ: internet (vovworld) - ຢູ່ນອກກອງປະຊຸມສຸດຍອດອາຊຽນຄັ້ງທີ 22 ພວມດຳເນີນໄປຢູ່ນະຄອນຫລວງ Bandar Seri Begawan ຂອງປະເທດ ບຣູໄນ, ຕອນຄຳ່ວັນທີ 23/4, ທ່ານນາຍົກລັດຖະມົນຕີຫງວຽນເຕີນຢູງໄດ້ມີການພົບປະສອງຝ່າຍກັບປະທານາທິບໍດີອິນໂດເນເຊຍ Susilo Bambang Yudhoyono. ທີ່ການພົບປະ, ທ່ານນາຍົກລັດຖະມົນຕີຫງວຽນເຕີນຢູງ ແລະ ທ່ານປະທານາທິບໍດີ Susilo Bambang Yudhoyono ໄດ້ຕີລາຄາສູງປະສິດທິຜົນຂອງບັນດາກົນໄກຮ່ວມມືລະຫວ່າງສອງປະເທດເວົ້າລວມ. ເມື່ອແລກປ່ຽນກ່ຽວກັບບັນຫາພາກພື້ນ ແລະ ສາກົນ,ທ່ານນາຍົກລັດຖະມົນຕີຫງວຽນເຕີນຢູງ ຕີລາຄາສູງບົດບາດທີ່ຕັ້ງຂອງອິນໂດເນເຊຍ ດ້ວຍຖານະແມ່ນສະມາຊິກຕັ້ງຫນ້າຂອງອາຊຽນ, ຄວາມມານະພະຍາຍາມຂອງອິນໂດເນເຊຍໃນການຊຸກຍູ້ສ້າງຖະແຫລງການ 6 ຂໍ້ກ່ຽວກັບບັນຫາທະເລຕາເວັນອອກ. ສ່ວນທ່ານປະທານາທິບໍດີ ອິນໂດເນເຊຍ Susilo Bambang Yudhoyono ໄດ້ເວົ້າວ່າ: ອິນໂດເນເຊຍຖືເປັນສຳຄັນ ແລະ ຕີລາຄາສູງບັນດາການປະກອບສ່ວນອັນຕັ້ງຫນ້າ ແລະ ຄວາມຮັບຜິດຊອບຂອງຫວຽດນາມ, ຢື້ນຢັນສືບຕໍ່ເພີ່ມທະວີການປະສານສົມທົບຢ່າງແຫນ້ນແຟ້ນລະຫວ່າງສອງປະເທດໃນການປັບປຸງຄວາມສາມັກຄີ, ສ້າງປະຊາຄົມອາຊຽນ ແລະ ເສີມຂະຫຍາຍບົດບາດໃຈກາງຂອງອາຊຽນ.
ແລະກໍໃນຕອນຄຳ່ວັນດຽວກັນ, ທ່ານນາຍົກລັດຖະມົນຕີ ຫງວຽນເຕີນຢູງ ໄດ້ພົບປະກັບກະສັດ ບຣູໄນ Haji Hassanal Bolkiah. ນະທີ່ນີ້ ການນຳສອງທ່ານໄດ້ຢືນຢັນວ່າ: ສືບຕໍ່ເພີ່ມທະວີການພົວພັນທີ່ໄວ້ເນື້ອເຊື່ອໃຈ, ຄວາມເຂົ້າອົກເຂົ້າໃຈເຊິ່ງກັນ ແລະ ກັນ ແລະ ແລກປ່ຽນຄະນະຜູ້ແທນຂັ້ນສູງ. ກະສັດບຣູໄນ ຢືນຢັນ ຈະສ້າງເງື່ອນໄຂເພື່ອຍູ້ແຮງການຮ່ວມມືກ່ຽວກັບຂົງເຂດນ້ຳມັນອາຍແກສ, ສິນໃນນ້ຳ, ກະສິກຳ ກັບຫວຽດນາມຍິ່ງກວ່າອີກ. ທ່ານນາຍົກລັດຖະມົນຕີ ຫງວຽນເຕີນຢູງ ສະເຫນີໃຫ້ສອງຝ່າຍຊຸກຍູ້ການເຈລະຈາ ແລະ ລົງນາມໃນສັນຍາສົ່ງເສີມ ແລະ ປົກປ້ອງການລົງທຶນ, ບົດບັນທຶກຊ່ວຍຈຳກ່ຽວກັບການຮ່ວມມືກະສິກຳ ແລະ ສິນໃນນ້ຳ, ບົດບັນທຶກຊ່ວຍຈຳກ່ຽວກັບການຮ່ວມມືດ້ານແຮງງານໂດຍໄວ.