(vovworld)- ​ຕອນເຊົ້າ ​ວັນ​ທີ 8/11, ເນື່ອງ​ໃນ​ໂອ​ກາດ​ຢຽມ​ຢຽມ​ທາງ​ລັດ​ຖະ​ກິດ ຢູ່​ຫວຽດ​ນາມ ໃນ​ລະ​ຫວ່າງ ວັນ​ທີ 5-14/11, ທ່ານ ປະ​ທາ​ນາ​ທິ​ບໍ​ດີອຽກ​ລັງ Michael Daniel Higgins ໄດ້ມີ​ການ​ໂອ້​ລົມ​ ກັບ​ນັກ​​ສຶກ​ສາ​ມະ​ຫາ​ວິ​ທະ​ຍາ​ໄລ​ແຫ່ງ​ຊາດ​ຮ່າ​ໂນ້ຍ ດ້ວຍ​ຫົວ​ຂໍ້ “ການ​ພັດ​ທະ​ນາ​ແບບ​ຍືນ​ຍົງ”. ທີ່​ການ​ໂ​ອ້​ລົມ, ທ່ານ ປະ​ທາ​ນາ​ທິ​ບໍ​ດີ Michael Daniel Higgins ຖື​ວ່າ: ຫວຽດ​ນາມ ແລະ ອຽກ​ລັງ ແມ່ນ​ສອງ​ປະ​ເທດ​ທີ່​ມີ​ປະ​ຫວັດ​ສາດ​ຄ້າຍ​ຄື​ກັນ. ໃນ​ວິ​ວັດ​ແຫ່ງ​ການ​ພັດ​ທະ​ນາ​ເສດ​ຖະ​ກິດ, ສອງ​ປະ​ເທດ ໄດ້​ຜັນ​ປ່ຽນ​ຈາກກາ​ນ​ພັດ​ທະ​ນາ​ເສດ​ຖະ​ກິດກະ​ສິ​ກຳ ມາ​ເປັນການ​ຜະ​ລິດຫຼາຍ​ຮູບຫຼາຍ​ແບບ ​ເພື່ອ​ບັນ​ລຸ​ໄດ້​ບັນ​ດາ​ຄວາມ​ກ້າວ​ໜ້າ ນັບ​ທັງ​ດ້ານ​ເສດ​ຖະ​ກິດ ແລະ ສັງ​ຄົມ. ທ່ານ ປະ​ທາ​ນາ​ທິ​ບໍ​ດີ Michael Daniel Higgins  ເນັ້ນ​ໜັກ​ວ່າ: ເພື່ອ​ການ​ພັດ​ທະ​ນາ​ແບບ​ຍືນ​ຍົງ, ພວກ​ເຮົາ​ຄວນ​ເອົາ​ໃຈ​ໃສ່, ຊັ່ງ​ຊາ ເຖິງ​ທຸກ​ໂອ​ກາດ​ການ​ພັດ​ທະ​ນາ ແລະ ຄວາມ​ສ່ຽງ​ ໃນ​ການ​ພັດ​ທະ​ນາ​ເສດ​ຖະ​ກິດ​-ສັງ​ຄົມ, ເພື່ອ​ເປົ້າໝາຍ​ການ​ເຕີບ​ໂຕ​ລວມ, ຄວາມ​ກ້າວ​ໜ້າ, ພິ​ເສດ​ແມ່ນ​ເຮັດ​ໃຫ້​ປະ​ຊາ​ຊົນ ຫຼຸດ​​ພົ້ນອອກ​ຈາກ​ສະ​ພາບ​ຄວາມ​ທຸກ​ຍາກ​ອຶດ​ຫີວ, ສ້າງວຽກ​ເຮັດ​ງານທຳ​ໃຫ້​ປະ​ຊາ​ຊົນ. ແບ່ງ​ປັນ​ກັບ​ບັນ​ດາ​ນັກ​​ສຶກ​ສາ, ທ່ານ ປະ​ທາ​ນາ​ທິ​ບໍ​ດີ Michael Daniel Higgins ຖື​ວ່າ: ດ້ວຍ​ຄວາມ​ສະຫຼາດ​ສະຫຼຽວ, ​ມີຫົວ​ຄິດ​ປະ​ດິດ​ສ້າງ, ບັນ​ດາ​ນັກ​ສຶກ​ສາ​ຄວນ​ປະ​ຕິ​ບັດ​ບັນ​ດາ​ຄວາມ​ໄຝ່​ຝັນ​ຂອງ​ຕົນ​ເອງ, ​ປະ​ກອບ​ສ່ວນ​ສ້າງ​ຮູບ​ແບບ​ການ​ພັດ​ທະ​ນາ ​ຂອງ​ປະ​ເທດ​ຊາດ ໃຫ້ເໝາະ​ສົມ​ ກັບ​ວັດ​ທະ​ນະ​ທຳ ແລະ ປະ​ຫວັດ​ສາດ​ ຂອງ​ປະ​ເທດ​ເຮົາ, ໃນ​ນັ້ນ​ມີ​ການ​ນຳ​ໃຊ້​ວິ​ທະ​ຍາ​ສາດ ແລະ ເຕັກ​ໂນ​ໂລ​ຊີ. ທ່ານ ປະ​ທາ​ນາ​ທິ​ບໍ​ດີ Michael Daniel Higgins ເຊື່ອ​ໝັ້ນ​ວ່າ: ດ້ວຍ​ຄວາມ​ສາ​ມາດ​ຂອງ​ຕົນ​ເອງ, ບັນ​ດາ​ນັກ​ຮຽນ ຈະ​ຜ່ານ​ຜ່າ​ສິ່ງ​ທ້າ​ທາຍ ເພື່​ອ​ສ້າງ​ສາ ແລະ ພ​ັດ​ທະ​ນາ​ປະ​ເທດ​ຊາດ.