ທ່ານຮອງນາຍົກລັດຖະມົນຕີ Hoang Trung Hai ປູກຕົ້ນໄມ້ຕອບສະຫນອງວັນ
ສິ່ງແວດລ້ອມໂລກ
|
(vovworld) - ຕອນເຊົ້າວັນທີ 3/6 ຢູ່ ນະຄອນ ຮ້າລອງ, ກະຊວງຊັບພະຍາກອນ ແລະ ສິ່ງແວດລ້ອມ, ສະຫະພັນໃຫຍ່ແຮງງານ ຫວຽດນາມ ໄດ້ສົມທົບກັບຄະນະກຳມະການ ປະຊາຊົນ ແຂວງ ກວ໋າງນີງ ຈັດຕັ້ງງານຊຸມນຸມມິດຕິງ ຕອບສະຫນອງວັນສິ່ງແວດລ້ອມໂລກ (5/6) ແລະ ປີສາກົນກ່ຽວກັບພະລັງງານໝັ້ນຄົງ 2012 ໂດຍ ສະຫະປະຊາຊາດປຸກລະດົມ. ກ່າວຄຳເຫັນນະທີ່ນີ້, ທ່ານ Hoang Trung Hai ຮອງນາຍົກລັດຖະມົນຕີ ຫວຽດນາມ ໄດ້ຢືນຢັນວ່າ: ປົກປັກຮັກສາສິ່ງແວດລ້ອມ ໄດ້ກາຍເປັນຫນ້າທີ່ເປັນປະຈຳຂອງທັງລະບົບການເມືອງ, ງົບປະມານທີ່ສະຫງວນໃຫ້ແກ່ວຽກງານນີ້ບໍ່ຕຳ່ກວ່າລະດັບ 1% ຍອດລາຍຈ່າຍງົບປະມານໃນແຕ່ລະປີ. ຄວາມຮັບຮູ້ລວມຂອງສັງຄົມກ່ຽວກັບການປົກປັກຮັກສາສິ່ງແວດລ້ອມໄດ້ຮັບການຍົກສູງຂຶ້ນ ແລະ ບັນຫາມົນລະພິດເຖິງສິ່ງແວດລ້ອມກໍພວມໄດ້ຮັບການແກ້ໄຂເທື່ອລະກ້າວ. ກ່ຽວກັບການສຳພັດທາງດ້ານເສດຖະກິດຂຽວ, ທ່ານຮອງນາຍົກລັດຖະມົນຕີ Hoang Trung Hai ຊີ້ແຈງວ່າ:
“ ຫວຽດນາມ ໄດ້ປະກາດໃຊ້ບັນດານະໂຍບາຍມຸ່ງໄປເຖິງພື້ນຖານເສດຖະກິດຂຽວ ຄືກົດໝາຍນຳໃຊ້ພະລັງງານ ປະຢັດ ແລະ ມີປະສິດທິຜົນ. ຍຸດທະສາດຜະລິດພະລັງງານສະອາດກວ່າຮອດປີ 2030. ປະຈຸບັນ ລັດຖະບານ ໄດ້ມອບໃຫ້ກະຊວງແຜນການ ແລະ ການລົງມຶນ ສ້າງຍຸດທະສາດການເຕີບໂຕຂຽວໄລຍະ 2011 - 2020. ກະຊວງຊັບພະຍາກອນ ແລະ ສິ່ງແວດລ້ອມ ໄດ້ຄົ້ນຄ້ວາປັບປຸງກົດໝາຍວ່າດ້ວຍຊັບພະຍາກອນສິ່ງແວດລ້ອມປີ 2005 ເພື່ອຕອບສະຫນອງຄວາມຮຽກຮ້ອງຕ້ອງການໃຫມ່ກ່ຽວກັບການປົກປັກຮັກສາ ແລະ ປັບປຸງຄຸນນະພາບສິ່ງແວດລ້ອມ, ເປັນເຈົ້າການໃນການຮັບມືກັບການປ່ຽນແປງຂອງດິນຟ້າອາກາດຢ່າງມີປະສິດທິຜົນ.”