(vovworld) - ​ຊາວ​ໜຸ່ມ​ນະ​ຄອນຕ້ອງ​ປະ​ກອ​ບ​ແນວ​ຄວາມ​ຄິດສ້າງ​ນະ​ຄອນ​ທີ່​ຢາກ​ຢູ່​ອາ​ໄສກວ່າ​ໝູ່​ໃນ​ພາກ​ພື້ນ. ທ່ານ ດິງ​ລາ​ທັງ, ​ເລ​ຂາ​ຄະ​ນະ​ພັກ​ນະ​ຄອນໂຮ່​ຈິ​ມິນ ໄດ້​ເນັ້ນ​ໜັກ​ຄື​ແນວນັ້ນ​ທີ່​ພິ​ທີ​ສະ​ເຫຼີມ​ສະ​ຫຼ​ອງ 85 ປີ​ແຫ່ງວັນ​ສ້າງ​ຕັ້ງ​ຄະ​ນະ​ຊາ​ວ​ໜ​ຸ່ມກອມ​ມູນ​ິດ​ໂຮ່​ຈິ​ມິນ (26/03/1931 – 26/03/2016) ໂດຍ​ຄະ​ນະ​ຊາວ​ໜຸ່ມ​ນະ​ຄອນ​ໂຮ່​ຈິ​ມິນ ຈັດ​ຕ​ັ້ງ​ໃນ​ຕອນ​ເຊົ້າ​ວັນ​ທີ 25/03. ທ່ານ ດິງ​ລາ​ທັງ, ເລ​ຂາ​ຄະ​ນະ​ພັກ​ນະ​ຄອນຊີ້​ແຈ້ງ​ການ​ເຕີບ​ໃຫຍ່ ແລະ ບັນ​ດາ​ວຽກ​ງານ​ຂອງ​ຊາວ​ໜ​ຸ່ມ​ນະ​ຄອນ ໄດ້​ຢືນ​ຢັນ​ບົດ​ບາດ​ນຳ​ໜ້າປະ​ຈັນ​ບານ. ໃນ​ສະ​ພາບ​ການ​ໃໝ່, ສະ​ມາ​ຊິກ​ຊາວ​ໜຸ່ມ​ຕ້ອງ​ຝຶ​ກ​ຝົນ​ຫຼໍ່​ຫຼອມ​ຄຸນ​ສົມ​ບັດ, ເປັນ​ເຈົ້າ​ການ​ສຳ​ຜັດກັບຜົນ​ງານ​ໃນ​ທຸກ​ດ້ານ, ກໍ່ສ້າງ​ນະ​ຄອນ​ໃຫ​້​ເຕີບ​ໃຫຍ່ ແລະ ຢາກ​ຢູ່ອ​າ​ໄສ​ກວ່າ​ໝູ່​ໃນ​ພາກ​ພື້ນ.

        ແລະ​ກໍ​ໃນ​ຕອ​ນ​ເຊົ້າ​ວັນ​ທີ 25/03, ຄະ​ນະ​ກຳ​ມະ​ການ​ສູນ​ກາງ​ແນວ​ໂຮມ​ປະ​ເທດ​ຊາດ​ຫວຽດ​ນາມ ຫງວຽນ​ທ້ຽນ​ເຍ​ີນ ກໍ​ໄດ້​ລົງ​ຢ້ຽມ​ຢາມ ແລະ ອວຍ​ພອນ​ສູນ​ກາງ​ຊາວ​ໜຸ່ມກອມ​ມູ​ນິດ​ໂຮ່​ຈ​ິ​ມິນ. ຢູ່​ທີ່ນີ້, ທ່ານ ຫງວຽນ​ທ້ຽນ​ເຍີ​ນ ເຊື່ອ​ໝັ້ນ​ວ່າ, ຄະ​ນະ​ຊາວ​ໜຸ່ມ ສືບ​ຕໍ່​ແມ່ນ​ຕົວ​ແທນ​ທີ່​ດີ​ເດັ່ນ​ຂອງ​ໄວ​ໜຸ່ມ​ໃນ​ທົ່ວ​ປະ​ເທດ, ເປັນ​ກ​ຳ​ລັງ​ຫຼັກ​ແຫຼ່ງ​ເພື່ອບຳ​ລຸງ, ກຳ​ນົດ​ທິດ​ໃຫ້​ໄວ​ໜຸ່ມ​ປະ​ຕິ​ບັດ​ມະ​ຕິ​ຂອງ​ກອງ​ປະ​ຊຸມ​ໃຫຍ່​ທົ່ວ​ປະ​ເທດ​ຄັ້ງ​ທີ 12 ຂອງ​ພັກເປັນ​ຢ່າງ​ດີ, ຕັ້ງ​ໜ້າ​ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ຂອງ​ປະ​ເທດ​ຊາດ​ໃນ​ສະ​ພາບ​ການ​ໃໝ່.

        ກ່ອ​ນ​ໜ້ານັ້ນ, ໃນ​ວັນ​ທີ 24/03 ຢູ່​ແຂວງກວາງ​ບິ່ງ, ລອງ​ອານ, ເງະ​ອານ ກໍ​ໄດ້​ຈັດ​ເຫດ​ການ​ຫຼາຍ​ຢ່າງ​ເນື່ອງ​ໃນ​ໂອ​ກາດນີ້.