ບັນດາຜູ້ແທນເຂົ້າຮ່ວມການໂອ້ລົມສົນທະນາ.(ພາບ:TTXVN)

ວັນທີ 24 ສິງຫາ, ເນື່ອງໃນໂອກາດສະເຫລີມສະຫລອງ 110 ປີແຫ່ງວັນຄ້າຍວັນເກີດ ພົນເອກ ຫວໍງວຽນຢາບ (25/8/1911-25/8/2021), ແຂວງ ກາວບັ່ງ ໄດ້ຈັດຕັ້ງການໂອ້ລົມສົນທະນາ “ພົນເອກ ຫວໍງວຽນຢາບ ກັບກົກເຄົ້າເຫງົ້າກໍການປະຕິວັດ ກາວບັ່ງ”. ທີ່ການໂອ້ລົມສົນທະນາ, ມີບົດປະກອບຄຳເຫັນ 25 ບົດ ໄດ້ເຮັດແຈ້ງບົດບາດຂອງພົນເອກ ຫວໍງວຽນຢາບ ດ້ວຍການສ້າງຕັ້ງກອງທະຫານ ຫວຽດນາມ ປົດປ່ອຍຊາດ, ກໍ່ສ້າງ, ຝືກອົບຮົມພະນັກງານຢູ່ ກາວບັ່ງ ໄລຍະແຕ່ປີ 1941 – 1945; ພົນເອກ ຫວໍງວຽນຢາບ ກັບຂະບວນການປະຕິວັດ ເມືອງ ຮ່າກວ໋າງ ແຂວງ ກາວບັ່ງ; ຊຸມເດືອນປີເຄື່ອນໄຫວຢູ່ ຖານທີ່ໝັ້ນ ລາມເຊີນ.

ໃນວັນດຽວກັນ ຢູ່ ແຂວງ ກວ໋າງບີງ, ກະຊວງປ້ອງກັນປະເທດ ຫວຽດນາມ ກໍ່ໄດ້ຈັດພິທີມອບວັດຖຸອຸປະກອນ ແລະ ຊອບແວ 3 D ແນະນຳກ່ຽວກັບຊີວິດ ແລະ ພາລະກິດຂອງພົນເອກ ຫວໍງວຽນຢາບ ໃຫ້ແຂວງ ກວ໋າງບີ່ງ.  ໃນຊອບແວນີ້ ແມ່ນແນະນຳກ່ຽວກັບຊີວິດ ແລະ ພາລະກິດຂອງພົນເອກ ຫວໍງວຽນຢາບ ດ້ວຍຫລາຍຂໍ້ມູນອຸດົມສົມບູນ, ມີວິທະຍາສາດ, ຄຸນຄ່າປະຫວັດສາດ, ປະກອບສ່ວນສຶກສາໃຫ້ພະນັກງານ, ນັກຮົບ ແລະ ປະຊາຊົນ ເປັນຕົ້ນແມ່ນລຸ້ນຫນຸ່ມຕັ້ງຫນ້າຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດຂອງພົນເອກ ຫວໍງວຽນຢາບ.