ພາບປະກອບ:internet

(vovworld)- ຕອນ​ຄຳ່​ວັນ​ທີ 25/3 ຢູ່ ກອງ​ບັນຊາ​ການ​ທະຫານ​ນະຄອນຫລວງ, ກົມ​ໃຫຍ່​ການ​ເມືອງ​ກອງທັບ​ປະຊາຊົນ​ຫວຽດນາມ ​ໄດ້​ຈັດ​ຕັ້ງ​ພິທີ​ຍອ້ງຍໍຊົມເຊີຍ“​​ແບບຢ່າງດີ​ເດັ່ນ​ທົ່ວ​ກອງທັບ​ໃນ​ປີ 2013”. ນີ້​​ແມ່ນ​ການ​ເຄື່ອນ​ໄຫວ​ຖືກ​ຈັດ​ຂຶ້ນ​ປະຈຳ​ປີ​ເພື່ອ​ເຊີດ​ຊູ​ບັນດາ​ພົນທະຫານທີ່​ມີ​ຄຸນ​ນະ​ທາດ​ດ້ານ​ການ​ເມືອງ​ຢ່າ​ງໝັ້ນ​ແກ່ນ, ມີ​ລະດັບ​ວິຊາ​ສະ​ເພາະ​ເກັ່ງ, ມີ​ຫົວຄິດ​ປະດິດ​ສ້າງ​, ຂະຫຍັນ​ຂັນ​ເຄື່ອນ, ມີ​ແບບ​​ແຜນການດຳລົງ​ຊີວິດ​ຢ່າງ​ປອດ​​ໃສ, ສ້າງ​ຜົນງານ​ດີ​ເດັ່ນ​ຫລາຍ​ຢ່າງ​ໃນ​ການ​ຮຳ່ຮຽນ, ອົບຮົມ​ປີ 2013. ກ່າວ​ຄຳ​ເຫັນ​ທີ່​ພິທີ, ພົນ​ຕີ ຫງວຽນ​ຈ້ອງ​ເຫ​ງ໋ຍ,​ ຮອງ​ຫົວຫນ້າ​ກົມ​​ໃຫຍ່​ການ​ເມືອງກອງທັບປະຊາຊົນຫວຽດນາມ ​ໄດ້​ຢືນຢັນ​ວ່າ: ພິທີ​ເຊີດ​ຊູ​ແບບຢ່າງ​ດີ​ເດັ່ນທົ່ວ​ກອງທັບ​ປະຈ​ຳປີ ​ໄດ້​ສ້າງ​ກຳລັງ​ຫນູ​ນ ຊຸກຍູ້​ຂະ​ບວນການ​ແຂ່ງ​ຂັນ​ຮັກ​ຊາດ, ພົບ​ເຫັນ ​ແລະ ທະວີຄູນ​ແບບຢ່າງ​ດີ​ເດັ່ນ, ປະກອບສ່ວນ​ຍູ້​ແຮງຂະ​ບວນການ​ແຂ່ງຂັນ​ຕັດສິນໃຈຍາດເອົາໄຊຊະນະ ​ແລະ ວຽກ​ງານ​ແຂ່ງຂັນ​ຍ້ອງຍໍ​ໃນ​ກອງທັບ.
ແລະກໍເນື່ອງໃນໂອກາດນີ້, ​ໂດຍ​ປະຕິບັດ​ຕາມ​ສັນຍາ​ຮ່ວມ​ມືລະຫວ່າງ​ຄະນະ​ຊາວ​ໜຸ່ມ​ກອມມູນິດ​ໂຮ່ຈິ​ມິນ ​ແລະ ຄະນະ​ຊາວ​ໜຸ່ມ​ກອມມູນິດ​ຈີນ, ແຕ່ວັນທີ 25/3 ຫາວັນທີ 2/4 ຢູ່ຫວຽດນາມ, ຄະນະເລຂາສູນກາງ ຄະນະ​ຊາວ​ໜຸ່ມ​ກອມມູນິດ​ໂຮ່ຈິ​ມິນໄດ້ຈັດລາຍການພົບປະມິດຕະພາບ ຊາວໜຸ່ມຫວຽດນາມ-ຈີນປີ 2014. ນີ້ແມ່ນໜຶ່ງໃນບັນດາການເຄື່ອນໄຫວ ທີ່ສຳຄັນຂອງການພົວພັນມິດຕະພາບ, ການຮ່ວມມືຊາວໜຸ່ມຫວຽດນາມ-ຈີນ, ປະກອບສ່ວນສຶກສາ ອົບຮົມຊາວໜຸ່ມ ຂອງ 2 ປະເທດກ່ຽວ​ກັບ​ການ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ​ລະຫວ່າງ 2 ພັກ, 2 ລັດ ​ແລະ ປະຊາຊົນ, ​ໄວ​ໜຸ່ມ​ຂອງ 2 ປະ​ເທດຫວຽດນາມ-ຈີນ. ຜ່ານ​ນັ້ນ, ຢືນຢັນ​ຄວາມ​ຕັດສິນ​ໃຈ​ຂອງ ຊາວໜຸ່ມຫວຽດນາມ-ຈີນ​ໃນ​ການ​ຮັກສາ ​ແລະ ​ເພີ່ມ​ທະວີ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານລະຫວ່າງຫວຽດນາມ-ຈີນ. ທີ່​ການ​ພົບ​ປະ, ບັນດາ​ຜູ້​ແທນຊາວໜຸ່ມຫວຽດນາມ-ຈີນ​ພ້ອມ​ກັນ​ປຶກສາ​ຫາລື, ​ແລກປ່ຽນບົດຮຽນ​ກ່ຽວ​ກັບ​ບັນດາ​ບັນຫາຄື : ສາມັກຄີ, ​ເຕົ້າ​ໂຮມ​ຊາວ​ໜຸ່ມ ​ແລະ ກໍ່ສ້າງ​ອົງການ​ຊາວ​ໜຸ່ມ​ໃຫ້​ໝັ້ນຄົງ​ເຂັ້ມ​ແຂງ; ​ເພີ​່ມທະວີ​ການ​ແລກປ່ຽນ​ຊາວ​ໜຸ່ມ​ເຍົາວະ​ຊົນ​ລະຫວ່າງ 2 ປະ​ເທດ.