ການເຄື່ອນໄຫວຫຼາຍຢ່າງສະເຫຼີມສະຫຼອງ70ປີແຫ່ງວັນການປະຕິວັດເດືອນ8ແລະ ວັນຊາດທີ2/9
ລາຍການ “ຂ້າພະເຈົ້າຮັກປະເທດຊາດ“
(ພາບ: news.zing.vn)
(vovworld) - ວັນທີ 30/8, ຢູ່ເຂດປະສົມກິລາແຫ່ງຊາດ ມີ້ດິ່ງ, ຄະນະປະຈຳຄະນະຊາວໜຸ່ມນະຄອນ ຮ່າໂນ້ຍ ຈັດຕັ້ງລາຍການ “ຂ້າພະເຈົ້າຮັກປະເທດຊາດ“. ລາຍການຖືກຈັດຂຶ້ນດ້ວຍການເຄື່ອນໄຫວອຸດົມສົມບຸນຫຼາຍຢ່າງ ແລະ ມີເນື້ອໃນຢ່າງເລິກເຊິ່ງ, ສ້າງບັນຍາກາດເບິກບານມ່ວນຊື່ນ, ເອກອ້າງທະນົງໃຈ, ສ້າງຄວາມເຊື່ອໝັ້ນໃນໝູ່ພະນັກງານ, ສະມາຊິກຊາວໜຸ່ມ, ຊາວໜຸ່ມນະຄອນຫຼວງ. ໃນນັ້ນພົ້ນເດັ່ນທີ່ສຸດແມ່ນພິທີຊັກທຸງຊາດ, ຂັບຮ້ອງເພງຊາດ, ໝູ່ຮ້ອງເພງລຽນເປັນຮູບແຜນທີ່ຫວຽດນາມ, ທຸງຊາດ, ທຸງພັກ, ສັນຍາລັກຮ່າໂນ້ຍ.
ຕອນຄຳ່ວັນທີ 29/8, ຢູ່ສູນສິລະປະ ເອົາເກີ, ຮ່າໂນ້ຍ, ໄດ້ດຳເນີນລາຍການສິລະປະ “ວັນບຸນສະຖາປະນາປະເທດ“ ປີ 2015. ລາຍການໄດ້ວາດພາບບັນຍາກາດປະຕິວັດທີ່ຟົດຟື້ນ, ທົບທວນຄືນນຳ້ໃຈຮັກຊາດ, ເຈດຈຳນົງຕັດສິນໃຈຂອງຊາດຫວຽດນາມ ເຊິ່ງໄດ້ສ້າງເປັນໄຊຊະນະອັນຍິ່ງໃຫຍ່ຂອງການປະຕິວັດເດືອນ 8 ປີ 1945 ແລະ ການສະຖາປະນາປະເທດ ສປ ຫວຽດນາມ.
ຕອນເຊົ້າວັນທີ 30/8, ແຂວງ ຮ່າຢາງ ຈັດຕັ້ງວັນບຸນ “ລະດູໃບໄມ້ຫຼົ່ນແຫ່ງການປະຕິວັດ - ຊາວໜຸ່ມເອກອ້າງທະນົງໃຈກ້າວຂຶ້ນພາຍໃຕ້ທຸງພັກ“. ດ້ວຍການເຄື່ອນໄຫວສິລະປະ, ການລະຫຼິ້ນພື້ນເມືອງ, ການເຕັ້ນລວມໝູ່; ຂັບຮ້ອງບັນດາບົດເພງປະຕິວັດ … ເນື່ອງໃນໂອກາດນີ້, ໄວໜຸ່ມແຂວງ ຮ່າຢາງ ໄດ້ມອບທຸງຊາດ 100 ທຸງໃຫ້ເກາະ ເຈື່ອງຊາ.