ການເຄື່ອນໄຫວຫຼາຍຢ່າງສະເຫຼີມສະຫຼອງ70ປີແຫ່ງວັນປະຕິວັດເດືອນ8,ວັນຊາດ2/9
(ພາບປະກອບ)
(vovworld) - ຕອນຄຳ່ວັນທີ 20/8, ຢູ່ໂຮງລະຄອນນະຄອນໂຮ່ຈີມິນ, ດຳເນີນງານມະໂຫລານສິລະປະ “ບັນດາບົດເພງຍ້ອງຍໍພັກ“. ມີສະມາຊິກ 500 ກວ່າຄົນທີ່ມາຈາກບັນດາວົງດົນຕີປະສານສຽງສູນວັດທະນະທຳ ແລະ ບັນດາໂຮງຮຽນສິລະປະໃນນະຄອນ ໄດ້ເຂົ້າຮ່ວມລາຍການສະແດງ. ງານມະໂຫລານເພື່ອແນໃສ່ສຶກສາມູນເຊື້ອຮັກຊາດ, ເຈດຈຳນົງກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງ, ຄວາມມຸ້ງຫວັງສັນຕິພາບຂອງຊາດ, ພ້ອມທັງຍົກສູງນຳ້ໃຈມະຫາສາມັກຄີທົ່ວປວງຊົນທັງຊາດ. ຜ່ານນັ້ນຢືນຢັນຄວາມເອກອ້າງທະນົງໃຈແຫ່ງຊາດ, ເຈດຈຳນົງຕັດສິນໃຈຂອງທົ່ວພັກ, ທົ່ວປວງຊົນ, ທົ່ວກອງທັບໃນພາລະກິດປົກປັກຮັກສາ ແລະ ສ້າງສາປະເທດຊາດໃນໄລຍະປ່ຽນໃໝ່.
ແລະກໍ່ໃນຕອນຄຳ່ວັນທີ 20/8, ກົມຮູບເງົາ - ກະຊວງວັດທະນະທຳ, ກິລາ ແລະ ທ່ອງທ່ຽວ ໄດ້ສົມທົບກັບແຂວງ ທ໋າຍງວຽນ ຈັດຕັ້ງພິທີໄຂບັ້ນສາຍຮູບເງົາ ສະເຫຼີມສະຫຼອງ 70 ປີແຫ່ງວັນປະຕິວັດເດືອນ8,ວັນຊາດ 2/9. ນີ້ແມ່ນການເຄື່ອນໄຫວຢ່າງແທດຈິງເພື່ອແນໃສ່ປະກອບສ່ວນຍົກສູງຊີວິດທາງດ້ານວັດທະນະທຳ, ຈິດໃຈໃຫ້ປະຊາຊົນບັນດາເຜົ່າໃນແຂວງ ແລະ ໂຄສະນາແນວທາງ, ນະໂຍບາຍຂອງພັກ, ກົດໝາຍຂອງລັດ.