 |
(vovworld) - ວັນທີ 20/6, ຫ້ອງວ່າການປະທານປະເທດຈັດຕັ້ງພິທີເປີດສະຫຼອງເວັບໄຊ vpetn.gov.vn. ນີ້ແມ່ນດວັບໄຊທາງການຂອງຫ້ອງວ່າການປະທານປະເທດ, ເຊິ່ງໃນນັ້ນລວມມີບັນດາຂ່າວກ່ຽວກັບການເຄື່ອນໄຫວຊີ້ນຳບໍລິຫານ, ວຽກງານພາຍໃນ, ການພົວພັນຕ່າງປະເທດຂອງປະທານປະເທດ, ຮອງປະທານປເທດ, ການນຳຫ້ອງວ່າການປະທານປະເທດ. ການເປີດສະຫຼອງເວັບໄຊນີ້ມີຄວາມໝາຍດ້ານການເມືອງສຳຄັນ, ປະກອບສ່ວນຊ່ວຍປະຊາຊົນ, ຜູ້ອ່ານຊອກຮູ້ກ່ຽວກັບການເຄື່ອນໄຫວຂອງການນຳພັກ, ລັດ, ຈາກນັ້ນກຳໄດ້ແນວທາງ, ນະໂຍບາຍຂອງພັກ, ລັດ.
ໃນວັນດຽວກັນ, ອົງຄະນະພັກນະຄອນໂຮ່ຈີມິນ ກໍ່ຈັດຕັ້ງງານພົບປະສ້າງສັນກັບວົງການຊື່ມວນຊົນ. ທີ່ງານພົບປະ, ບັນດານັກຂ່າວອາວຸໂສໄດ້ແບ່ງປັນບົດຮຽນດ້ານວິຊາຊີບ ເພື່ອໃຫ້ນັກຂ່າວໜຸ່ມສືບທອດບົນເສັ້ນທາງດຳເນີນອາຊີບທັງລຳບາກ ແຕ່ກໍ່ໜ້າເອກອ້າງທະນົງໃຈຂອງຕົນ.
ພິທີສະຫຼຸບ ແລະ ມອບລາງວັນສື່ມວນຊົນແຫ່ງຊາດຄັ້ງທີ 9 ປີ 2014 ກໍ່ຖືກຈັດຂຶ້ນກົງກັບໂອກາດສະເຫຼີມສະຫຼອງ 90 ປີ ແຫ່ງວັນສື່ມວນຊົນປະຕິວັດຫວຽດນາມ ໃນຕອນຄຳ່ວັນທີ 21/6/2015, ຢູ່ຮ່າໂນ້ຍ. ມີບົດເສັງ 1.468 ບົດຈາກສະມາຄົມນັກຂ່າວແຂວງ, ນະຄອນ ແລະ ສະມາຄົມນັກຂ່າວຂຶ້ນກັບສູນກາງເຂົ້າຮ່ວມການເສັງ. ສະພາຈັດຕັ້ງການເສັງໄດ້ເລືອກເຟັ້ນລາງວັນທີໜຶ່ງ 9 ລາງວັນ, ລາງວັນທີສອງ 26 ລາງວັນ, ລາງວັນທີສາມ 54 ລາງວັນ, ແລະ ລາງວັນຊົມເຊີຍ 29 ລາງວັນ.
ເນື່ອງໃນໂອກາດນີ້, ຢູ່ທ້ອງຖີ່ນຕ່າງໆໃນທົ່ວປະເທດກໍ່ຈັດຕັ້ງການເຄື່ອນໄຫວສະເຫຼີມສະຫຼອງຫຼາຍຢ່າງເພື່ອເຊີດຊູບັນດານັກຂ່າວປະຕິວັດຫວຽດນາມ.