(ທ່ານຮອງນາຍົກລັດຖະມົນຕີ ຫວູດຶກດາມ)

ເນື່ອງໃນໂອກາດສະເຫຼີມສະຫຼອງ 93 ປີແຫ່ງວັນສື່ມວນຊົນປະຕິວັດຫວຽດນາມ (21 ມິຖຸນາ 1925 – 21 ມິຖຸນາ 2018), ທີ່ການມອບໜ້າທີ່ສື່ມວນຊົນປະຈຳໄລຍະ ໂດຍຄະນະໂຄສະນາສຶກສາສູນກາງ, ກະຊວງຖະແຫຼງຂ່າວ ແລະ ສື່ສານ, ສະມາຄົມນັກຂ່າວຫວຽດນາມ, ສົມທົບກັບ VOV ຈັດຕັ້ງໃນຕອນເຊົ້າວັນທີ 19 ມິຖຸນາ, ທ່ານຮອງນາຍົກລັດຖະມົນຕີ ຫວູດຶກດາມ ໄດ້ຟາກຄຳອວຍພອນເຖິງຖັນແຖວບັນດາຜູ້ເຮັດວຽກງານສື່ມວນຊົນໃນທົ່ວປະເທດ. ທ່ານຮອງນາຍົກລັດຖະມົນຕີ ຫວູດຶກດາມ ເຊື່ອໝັ້ນວ່າ, ຖັນແຖວບັນດາຜູ້ເຮັດໜັງສືພິມຫວຽດນາມ ຈະຜ່ານຜ່າສິ່ງທົດສອບ, ກຳແໜ້ນກາລະໂອກາດເພື່ອພັດທະນາຢ່າງແຮງກວ່າອີກ, ເຮັດລ້ອນໜ້າທີ່ທີ່ໄດ້ຮັບມອບໝາຍ, ຮ່ວມເດີນທາງພ້ອມກັບການປ່ຽນແປງໃໝ່ຂອງປະເທດຊາດ.

      ໃນຕອນເຊົ້າວັນດຽວກັນ, ທ່ານ ວໍວັນເທືອງ, ຫົວໜ້າຄະນະໂຄສະນາສຶກສາສູນກາງ, ໄດ້ໄປອວຍພອນສະມາຄົມນັກຂ່າວນະຄອນໂຮ່ຈິມິນ ແລະ ຢ້ຽມຢາມນັກຂ່າວອາວຸໂສບາງຄົນ.

      ແລະກໍ່ໃນຕອນເຊົ້າວັນທີ 19 ມິຖຸນາ, ຄະນະໂຄສະນາສຶກສາຄະນະພັກແຂວງ, ພະແນກຂໍ້ມູນຂ່າວສານ - ສື່ສານ ແລະ ສະມາຄົມນັກຂ່າວນະຄອນໂຮ່ຂິມິນ ກໍໄດ້ຈັດການໂອ້ລົມສົນທະນາສື່ມວນຊົນ - ພິມຈຳໜ່າຍຢ່າງມີຫົວຄິດປະດິດສ້າງ, ຮ່ວມເດີນທາງພ້ອມກັບນະຄອນໃນການປະຕິບັດມະຕິເລກທີ 54 ຂອງສະພາແຫ່ງຊາດ ກ່ຽວກັບການທົດລອງກົນໄກ, ນະໂຍບາຍພິເສດສະເພາະໃນການພັດທະນາຂອງນະຄອນໃຫ້ບັນລຸຜົນສຳເລັດ.

       ແລະກໍ່ໃນຕອນບ່າຍວັນທີ 18 ມິຖຸນາ, ຢູ່ແຂວງເຫົ້າຢາງ, ວິທະຍຸກະຈາຍສຽງ - ໂທລະພາບແຂວງ ເຫົ້າຢາງ, ໜັງສືພິມ ເຫົ້າຢາງ, ສົມທົບກັບອົງການຜູ້ຕາງໜ້າ VOV ປະຈຳເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຈັດຕັ້ງການພົບປະແລກປ່ຽນວິຊາສະເພາະດ້ວຍຫົວຂໍ້ວ່າ “ແງ່ມູມສຳຜັດຫົວຂໍ້ຂອງສື່ມວນຊົນ”. ນະທີ່ນີ້, ບັນດານັກຂ່າວເຂົ້າຮ່ວມໄດ້ຍົກອອກບັນດາບົດຮຽນ, ທັດສະໃນວິວັດການເຄື່ອນໄຫວສື່ມວນຊົນ. ນັກຂ່າວ ເຈີ່ນແທງຫຍາ, ພະນັກງານສະຖານີວິທະຍຸ - ກະຈາຍສຽງ ເຫົ້າຢາງ, ແບ່ງປັນວ່າ:

        “ຕາມຂ້າພະເຈົ້າແລ້ວ, ໃນໄລຍະປະຈຸບັນ, ມີຫຼາຍແຫຼ່ງຂໍ້ມູນຂ່າວສານ, ຖ້າຫາກວ່ານັກຂ່າວພວກເຮົາຢາກເຮັດລ້ອນໜ້າທີ່, ຄວາມຮັບຜິດຊອບຂອງຕົນທີ່ສັງຄົມມອບໝາຍໃຫ້, ນອກຈາກຈັນຍາບັນດ້ານວິຊາສະເພາະແລ້ວ,ໝາຍຄວາມວ່າຈັນຍາບັນຂອງຜູ້ເຮັດວຽກງານສື່ມວນຊົນແມ່ນສຳຄັນທີ່ສຸດ.”

        ແລະກໍ່ໃນວັນດຽວກັນ, ສະມາຄົມນັກຂ່າວ ຫວຽດນາມ ແຂວງ ກວາງຫງາຍ ໄດ້ຈັດຕັ້ງພິທີມອບຫຼຽນທີ່ລະນຶກເພື່ອພາລະກິດສື່ມວນຊົນ ຫວຽດນາມ, ມອບລາງວັນສື່ມວນຊົນແຂວງ ກວາງຫງາຍ ຄັ້ງທີ 10 ປີ 2018

        ວັນທີ 18 ມິຖຸນາ, ແຂວງ ຮຶງອຽນ ໄດ້ຈັດຕັ້ງການພົບປະສັງສັນບັນດາອົງການຊີ້ນຳ, ຄຸ້ມຄອງ ແລະ ອົງການສື່ສານສູນກາງ, ທ້ອງຖິ່ນ ພວມເຄື່ອນໄຫວໃນບໍລິເວນແຂວງ. ທີ່ການພົບປະສັງສັນ, ພະແນກຖະແຫຼງຂ່າວ ແລະ ສື່ສານແຂວງ ຮຶງອຽນ ໄດ້ສະເໜີເວັບໄຊຂໍ້ມູນຂ່າວເອເລັກໂຕນິກຕ່າງປະເທດແຂວງ ຮືງອຽນ.