(vovworld) – ວັນ​ທີ 23 ​ແລະ 24/6, ທ່ານ​ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ John Kerry ​ແລະ ທ່ານລັດຖະມົນຕີ​ວ່າການກະຊວງ​ການ​ເງິນ Jacob Lew ພ້ອມ​ກັບ​ກຳມະການ​ລັດຖະບານ​ຈີນ ຢ່າງ​ເຈ​ຍຊື ​ແລະ ທ່ານ​ຮອງ​ນາຍົກລັດຖະມົນຕີ​ຈີນ  ອວາງຢ໋າງ ​ໄດ້​ເປັນ​ປະທານ​ຮ່ວມ ການ​ເຈລະຈາ​ຍຸດ​ທະ​ສາດ ກ່ຽວ​ກັບ​ເສດຖະກິດ​ອາ​ເມ​ລິ​ກາ - ຈີນຄັ້ງ​ທີ 7 ຢູ່​ນະຄອນຫຼວງ​ວໍ​ຊິງ​ຕັນ. ​ໃນ​ໄລຍະ​ດຽວ​ກັນ, ທ່ານ​ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ John Kerry ​ແລະ ທ່ານ​ຮອງ​ນາຍົກລັດຖະມົນຕີ​ຈີນ ຫຼີວຢຽນຕູ​ງ ຈະ​ເປັນ​ປະທານ​ຮ່ວມ​ການ​ທາ​ບທາມ​ກ່ຽວ​ກັບ​ບັນຫາ​ພົບ​ປະ​ແລກປ່ຽນ​ປະຊາຊົນ - ປະຊາຊົນ (CPF) ຄັ້ງ​ທີ 6 ລະຫວ່າງ​ສອງ​ປະ​ເທດ. ການ​ເຈລະຈາ​ຍຸດ​ທະ​ສາດ ກ່ຽວ​ກັບ​ເສດຖະກິດ​ອາ​ເມ​ລິ​ກາ - ຈີນ ຈະ​ສຸມ​​ໃສ່​ປຶກສາ​ຫາລື​ກ່ຽວ​ກັບ​ການ​ທ້າ​ທາຍ ​ແລະ ກາລະ​ໂອກາດ​ກ່ຽວ​ກັບ​ຍຸດ​ທະ​ສາດ ​ແລະ ​ເສດຖະກິດ ​ເຊິ່ງທັງ​ສອງ​ປະ​ເທດ​ພວມ​ປະ​ເຊີນ​ໜ້າ, ​ໃນ​ຕໍ່ໜ້າ ​ແລະ ຍາວ​ນານ, ທັງ​ໃນ​ການ​ພົວພັນ​ສອງ​ຝ່າຍ, ພາກ​ພື້ນ ​ແລະ ທົ່ວ​ໂລກ. ​ໃນ​ຂະນະນັ້ນ,  ການ​ທາ​ບທາມ​ກ່ຽວ​ກັບ​ບັນຫາ​ພົບ​ປະ​ແລກປ່ຽນ​ປະຊາຊົນ - ປະຊາຊົນ ຈະ​ສະຫງວນ​ເວລາສ່ວນ​ຫຼາຍ ​ເພື່ອ​ປຶກສາ​ຫາລື​ກ່ຽວ​ກັບ​ບັນດາ​ມາດ​ຕະການ​ຊຸກຍູ້​ການ​ພົວພັນ ​ແລະ ການ​ພົບ​ປະ​ແລກປ່ຽນ​ລະຫວ່າງ​ປະຊາຊົນ​ຂອງ​ປະ​ເທດ​ໃນ​ບັນດາ​ຂົງ​ເຂດ​ການ​ສຶກສາ, ວັດທະນະທຳ, ວິທະຍາສາດ​ເຕັກນິກ, ບັນດາ​ບັນຫາ​ກ່ຽວຂ້ອງ​ເຖິງ​ກິລາ, ​ແມ່ຍິງ ​ແລະ ສາທາລະນະ​ສຸກ.