(vovworld) – ຕອນ​ເຊົ້າ​ວັນ​ທີ 01/11, ທ່ານ​ນາຍົກລັດຖະມົນຕີຍີ່ປຸ່ນ Shinzo Abe ​ໄດ້​​ເດີນທາງ​ອອກຈາກ​ຍີ່ປຸ່ນ, ​ໄປສ.​ເກົາຫຼີ ​ເ​ພື່ອ​ເຂົ້າ​ຮ່ວມ​ກອງ​ປະຊຸມ​ສຸດ​ຍອດ​ຍີ່ປຸ່ນ - ຈີ​ນ - ສ.​ເກົາຫຼີ​ ​ເຊິ່ງ​ຖືກ​ໂຈະ​ໄວ້​ໃນ​​ເວລາ 3 ປີ​ເຄິ່ງ. ທ່ານນາຍົກລັດຖະມົນຕີ Shinzo Abe ຄາດ​ວ່າ, ຈະ​ດຳ​ເນີນ​ບັນ​ດາ​ການ​ເຈ​ລະ​ຈາ​ຕ່າງຫາກ​ກັບ​ທ່ານ​ນາຍົກລັດຖະມົນຕີຈີນ ລີ໋​ເຄີ​ສຽງ ​ແລະ ທ່ານ​ນາງ​ປະທານາທິບໍດີ​ສ.​ເກົາຫຼີ Park Geun hye. ກ່າ​ວຄຳ​ເຫັນ​ກ່ອນ​ເດີນ​ທາງ, ທ່ານ​ນາຍົກລັດຖະມົນຕີ​ຍີ່ປຸ່ນ ​ເນັ້ນ​ໜັກ​ວ່າ 3 ປະ​ເທດ ຍີ່ປຸ່ນ - ຈີ​ນ - ສ.​ເກົາຫຼີ ມີ​ຄວາມ​ຮັບຜິດຊອບ​ໃຫຍ່​ຫຼວງສຳລັບ​ສັນຕິພາບ ​ແລະ ຄວາມ​ວັດ​ທະນາ​ຖາວອນ​ໃນ​ພາກ​ພື້ນ. ສະ​ນັ້ນ, ການ​ນຳ 3 ປະ​ເທດ ປາດ​ຖະ​ໜາ​ວ່າ ​ໃນ​ການ​ພົບ​ປະ​ຄັ້ງ​ນີ້​ຈະ​ແລກປ່ຽນ​ຄຳ​ຄິດ​ຄຳ​ເຫັນ​ຢ່າງ​ກົງ​ໄປ​​ກົງ​ມາ​​ເພື່ອ​​ເຮັດ​ໃຫ້ການ​​ເຈລະຈາ​ມີ​ຄວາມ​ໝາຍ​ຫຼາຍ​ຢ່າ​ງກວ່າ. ນີ້​ແມ່ນ​ການ​ເຈລະຈາ​ຂັ້ນ​ສູງ 3 ຝ່າຍ​ທຳ​ອິດ​ນັບ​ແຕ່​ເດືອນ 05/2012. ຄາ​ດວ່າ, ຕອນ​ບ່າຍ​ວັນ​ທີ 01/11, ຈະ​ດຳ​ເນີນ​ການ​ເຈລະຈາ ​ແລະ ພາຍຫຼັງ​ການ​ເຈລະຈາການ​ນຳ 3 ປະ​ເທດ​ຈະ​ອອກ​ຖະ​ແຫຼ​ງການ​ຮ່ວມ, ​ໃນ​ນັ້ນ​​​ເຕື້ອງ​ເຖິງ​ບັນຫາ​ນິວ​ເຄຼຍຂອງ​ສປປ.​ເກົາຫຼີ, ມາດ​ຕະການ​ເພີ່ມ​ທະວີ​ການ​ຮ່ວມ​ມື​ດ້ານ​ເສດຖະກິດລະຫວ່າງ 3 ຝ່າຍ… ສະ​ເພາະ​ການ​ພົບ​ປະ 2 ຝ່າຍຍີ່​ປຸນ - ຈີ​ນ, ຍີ່ປຸ່ນ ຈະ​ສະ​ແດງ​ຫຼັກ​ໝັ້ນ​ວິຕົກ​ກັງວົນຕໍ່​ເລື່ອງ​ຈີນ ​​ກໍ່​ສ້າງ​ເກາະ​ແຫ່ງ​ຕ່າງໆ​ຢູ່​ທະ​ເລ​ຕາ​ເວັນ​ອອກ.