ການເຊື່ອມຕໍ່ວິສາຫະກິດຫວຽດນາມ-ອີຢີບ
(ເວທີປາໄສວິສາຫະກິດຫວຽດນາມ - ອີຢີບ)
(vovworld) - ເພື່ອແນໃສ່ສົ່ງເສີມດ້ານການຄ້າຢູ່ອີຢີບ, ວັນທີ 7/9, ຢູ່ນະຄອນຫຼວງ ຄາຍໂຣ, ກະຊວງອຸດສາຫະກຳ ແລະ ການຄ້າ, ພ້ອມກັບສະຖານທູດຫວຽດນາມປະຈຳອີຢີບ ແລະ ກະຊວງອຸດສາຫະກຳການຄ້າ ແລະ ສະຫະພັນບັນດາຫ້ອງການການຄ້າອີຢີບ ໄດ້ຈັດຕັ້ງເວທີປາໄສວິສາຫະກິດຫວຽດນາມ - ອີຢີບ. ທີ່ເວທີປາໄສ, ບັນດາວິສາຫະກິດຫວຽດນາມ ແລະ ອີຢີບ ໄດ້ສະໜອງບັນດາຂໍ້ມູນກ່ຽວກັບສະພາບການພັດທະນາເສດຖະກິດຢູ່ສອງປະເທດ ແລະ ມີການພົບປະສອງຝ່າຍຕ່າງໆ. ທ່ານ ເຈິ່ນກວາງຮູຍ, ຫົວໜ້າກົມອາຊີຕາເວັນຕົກສ່ຽງໃຕ້ - ອາຟະລິກາ, ຖືວ່າໄລຍະຈະມາເຖິງ, ບັນດາວິສາຫະກິດສອງຝ່າຍຈະເພີ່ມທະວີການພົບປະກວ່າອີກ ເພື່ອກ້າວໄປເຖິງການຮ່ວມມື, ດຳເນີນທຸລະກິດຢ່າງລະອຽດ, ປະກອບສ່ວນກວ່າອີກໃຫ້ແກ່ການແລກປ່ຽນດ້ານການຄ້າທີ່ພວມເຕີບໂຕໄດ້ດີລະຫວ່າງສອງຝ່າຍ. ຄຽງຂ້າງນັ້ນ, ບັນດາວິສາຫະກິດຫວຽດນາມກໍ່ຕ້ອງເປັນເຈົ້າການ, ຕັ້ງໜ້າກວ່າອີກໃນການຊອກຫາກາລະໂອກາດດຳເນີນທຸລະກິດຢູ່ຕະຫຼາດອີຢີບ. ເມື່ອຕີລາຄາກ່ຽວກັບຄວາມສາມາດບົ່ມຊ້ອນຮ່ວມລະຫວ່າງສອງຝ່າຍໃນໄລຍະຈະມາເຖິງ, ທ່ານ ເຈິ່ນຮູຍກວາງ, ຖືວ່າ:
“ພວກຂ້າພະເຈົ້າຕີລາຄາສູງຕະຫຼາດອີຢີບ ດ້ວຍຄວາມສາມາດບົ່ມຊ້ອນ ແລະ ພົນລະເມືອງຫຼາຍ, ພື້ນຖານເສດຖະກິດໝັ້ນຄົງ ແລະ ພວມມີທ່າເຕີບໂຕ. ພິເສດ, ອີຢີບມີທີ່ຕັ້ງສຳຄັນທີ່ສຸດຢູ່ພາກພື້ນຕາເວັນອອກກາງ ກໍ່ຄືຢູ່ອາຟະລິກາ. ດ້ວຍທີ່ຕັ້ງຂອງຕົນ, ອີຢີບຈະແມ່ນປະຕູເພື່ອໃຫ້ສິນຄ້າຫວຽດນາມສາມາດແຊກຊືມເຂົ້າຕາເວັນອອກກາງ, ອາຟະລິກາເໜືອ ແລະ ອາຟະລິກາໄດ້… ພວກຂ້າພະເຈົ້າຫວັງວ່າ, ຜົນຂອງການສົ່ງເສີມດ້ານການຄ້າຄັ້ງນີ້ ຈະປະກອບສ່ວນກວ່າອີກເຂົ້າໃນການຮ່ວມມືດ້ານເສດຖະກິດ, ການຄ້າລະຫວ່າງຫວຽດນາມ - ອີຢີບ“.