ການເລືອກຕັ້ງ ອາເມລິກາ: ອະດີດປະທານາທິບໍດີ Obama ສະໜັບສະໜູນ ທ່ານນາງ Kamala Harris ຫາສຽງເລືອກຕັ້ງ
(VOVWORLD) - ວັນທີ 26 ກໍລະກົດ, ທ່ານອະດີດປະທານາທິບໍດີ ອາເມລິກາ Barack Obama ຖະແຫຼງການສະໜັບສະໜູນທ່ານນາງຮອງປະທານາທິບໍດີ Kamala Harris ອອກຫາສຽງເລືອກຕັ້ງປະທານາທິບໍດີ.
 ທ່ານນາງຮອງປະທານາທິບໍດີ Kamala Harris (ພາບ: TTXVN) |
ໃນສື່ສັງຄົມອອນລາຍ X, ທ່ານ Obama ໃຫ້ຄຳໝັ້ນສັນຍາວ່າ ຈະເຮັດທຸກວິທີທາງຈົນສຸດຄວາມສາມາດຂອງຕົນ ເພື່ອຮັບປະກັນໃຫ້ທ່ານນາງ Kamala Harris ຈະຍາດໄດ້ໄຊຊະນະໃນເດືອນ ພະຈິກ ຈະມາເຖິງ ແລະ ຮຽກຮ້ອງທຸກຄົນຈົ່ງພ້ອມກັນມານະພະຍາຍາມ.
ທ່ານ Barack Obama ຮັບດຳລົງຕຳແໜ່ງປະທານາທິບໍດີ ອາເມລິກາ 8 ປີ ນັບແຕ່ເມື່ອໄດ້ຮັບໄຊຊະນະໃນການເລືອກຕັ້ງຄັ້ງເມື່ອປີ 2008. ທ່ານແມ່ນສະມາຊິກພັກປະຊາທິປະໄຕຄົນຫຼ້າສຸດ ທີ່ຖະແຫຼງຈະສະໜັບສະໜູນທ່ານນາງ Kamala Harris ພາຍຫຼັງປະທານາທິບໍດີ ຄົນປັດຈຸບັນ ທ່ານ Joe Biden ຖະແຫຼງວ່າ ຈະຖອນຕົວອອກຈາກການແຂ່ງຂັນເຂົ້າທຳນຽບຂ່າວ ໃນວັນທີ 21 ກໍລະກົດ ຜ່ານມາ.