ນາ​ຍົກ​ລັດ​ຖະ​ມົນ​ຕີ​ອັງ​ກິດDavid Cameron ພາບ:tinmoi.vn

(vovworld)- ​ວັນ​ທີ 7/5, ລາ​ຊະ​ອາ​ນາ​ຈັກ ອັງ​ກິດ ແລະ ໄອ​ແລນ​ເຫນືອ ດ​ຳ​ເນີນ​ການ​ເລືອກ​ຕັ້ງ​ທົ່ວ​ປະ​ເທດ ເພື່ອ​ເລືອກ​ຕັ້ງ​ສະ​ພາ​ແຫ່ງ​ຊາດ​ໃຫມ່. ການ​ເລືອກ​ຕັ້ງ​ຈະ​ຕັດ​ສິນສະ​ມາ​ຊິກ​ຄະ​ນະ​ລັດ​ຖະ​ບານ ໃນ​ອາ​ຍຸ​ການ 5 ປີ​ຈະ​ມາ​ເຖິງ. ບັນ​ດາ​ສະ​ຖານ​ທີ່​ປ່ອນ​ບັດ​ໃນ​ທົ່ວ​ປະ​ເທດ ຈະ​ເປີດ​ປະ​ຕູ​ແຕ່ 7 ໂມງ​ເຊົ້າ ຮອດ 22 ໂມງ. ນະ​ທີ່ນີ້ ​ຜູ້​ມີ​ສິດ​ເລືອກ​ຕັ້ງອັງ​ກິດ ຈະ​ຄັດເລືອກ​ສະ​ມາ​ຊິກ​ສະ​ພາ​ແຫ່ງ​ຊາດ 650 ​ຄົນ ໃນ​ຈຳ​ນວນ​ຜູ້​ສະ​ໝັກ​ຮັບ​ເລືອກ​ຕັ້ງ 3.900 ຄົນ. ໃນ​ການ​ຂົນ​ຂວາຍ​ເລືອກ​ຕັ້ງ, ທ່ານ​ນາ​ຍົກ​ລັດ​ຖະ​ມົນ​ຕີ ອັງ​ກິດ David Cameron ຍາມ​ໃດ​ກໍ​ເນັ້ນ​ຫນັກ​ເຖິງ​ຜົນ​ງານ​ຂອງ​ລັດ​ຖະ​ບານ​​ ຮັກ​ສາ​ເດີມໃນ​ການ​ນຳ​ອັງ​ກ​ິດ​ຜ່ານ​ຜ່າ​ການ​ຊຸດ​ໂຊມ​ເພື່ອ​ບັນ​ລຸ​ລະ​ດັບ​ເຕີບ​ໂຕ​​ສູງ​ສຸດ​ເມື່ອ​ທຽບ​ໃສ່​ບັນ​ດາ​ພື້ນ​ຖານ​ເສດ​ຖະ​ກິດ​ພັດ​ທະ​ນາ, ສ້າງວຽກ​ເຮັດ​ງານ​ທຳ​ໃຫ້​ແກ່​ຄົນ​ງານ​ນັບ​ລ້ານໆ​ຄົນ ແລະ ຫລຸດ​ຜ່ອນ​ການ​ຂາດ​ດຸ່ນ​ງົບ​ປະ​ມານ​ລົງ​ເຫລືອ​ພຽງ 1/3 ເມື່ອ​ທຽບ​ໃສ່​ປີ 2010.