(vovworld)- ​ໃນ​ວັນ​ກຳມະກອນ​ສາກົນ​ຄືທີ 1/5, ບັນດາ​ການ​ເຄື່ອນ​ໄຫວ​ສະ​ເຫລີ​ມສະຫລອງ​ວັນ​ສຳຄັນຂອງ​ຄົນ​ງານ​ໃນ​ທົ່ວ​ໂລກ​ຖືກ​ດຳ​ເນີນ​ໄປຢູ່​ຫລາຍ​ປະ​ເທດ​. ນີ້​ກໍ​ແມ່ນ​ໂອກາດ​ເພື່ອ​ໃຫ້​ຄົນ​ງານ​ປະ​ເທດ​ຕ່າງໆ​ລົງ​ຖະຫນົນ​ເພື່ອ​ສະ​ແດງ​ຄວາມ​ມຸ່ງ​ມາດ​ປາດ​ຖະຫນາ​ຂອງ​ຕົນ​ຕໍ່​ລັດຖະບານ. ຢູ່​ນະຄອນ Vladivostock ຂອງ​ລັດ​ເຊຍ,​ ມີ​ຄົນ​ງານ​ປະທານ 15.000 ຄົນ​ໄດ້​ລົງ​ຖະຫນົນ​ເພື່ອ​ເຊີດ​ຊູ​ນ້ຳ​ໃຈ​ອະມະຕະ​ຂອງ​ວັນ​ກຳມະກອນ​ສາກົນ 1/5. ນີ້​ກໍ​ແມ່ນ​ວັນ​ບຸນ​ລະດູບານ​ໃຫມ່​ຢູ່​ປະ​ເທດ​ລັດ​ເຊຍ. ນອກ​ນັ້ນ ຢູ່ 80 ກວ່ານະຄອນ ຂອງ​ປະ​ເທດ​ແອດ​ສະ​ປາຍ ຊື່​ງ​ແມ່ນ​ປະ​ເທດ​ມີ​ອັດຕາ​ຜູ້​ຫວ່າງ​ງານ​ຂຶ້ນ​ເຖິງ 27% ກໍ່​ໄດ້​ດຳ​ເນີນ​ການ​ແຫ່​ຂະ​ບວນຄັ້ງ​ໃຫຍ່​ເພື່ອ​​ເລັ່ງລັດ​ການ​ປ່ຽນ​ແປງ​ອັນ​ຕັ້ງຫນ້າ​ໃນ​ນະ​ໂຍບາຍ​ເສດຖະກິ​ດຂອງ​ສະຫະພາບ​ເອີ​ລົບ.  ​ໃນ​ຂະນະ​ນັ້ນ ຢູ່​ອີ​ຕາ​ລີ, ​​ເກຼັກ ຄົນ​ງານ​ໄດ້​ພາກັນ​ລົງ​ຖະຫນົນ​ເປັນ​ຈຳນວນ​ຫລວງຫລາຍ​ເພື່ອ​ຄັດຄ້ານ​ບັນດາ​ນະ​ໂຍບາຍ​ເສດຖະກິດ​ “ຮັດ​ເຂັມ​ຄັດ”ທີ່ີ​ແກ່ຍາວ​ຂອງ​ລັດຖະບານ. ສ່ວນ​ຢູ່​ນະຄອນ​ຂອງ​ບັນດາ​ປະ​ເທດ ຟີ​ລີບ​ປີນ,​ ອິນ​ໂດ​ເນ​ເຊຍ ​ແລະ ​ເຂດ​ປົກຄອງ​ພິ​ເສດ​ຮ່ົງກົງ​ປະ​ເທດ​ຈີນ ກໍ​ໄດ້​ດຳ​ເນີນ​ການ​ແຫ່​ຂະ​ບວນ​ຄັ້ງ​ຕ່າງໆໃນ​ຄວາມ​ສັນຕິພາບ.