ການແຫ່ຂະບວນປະທ້ວງເພື່ອຄັດຄ້ານການ ຈຳແນກເຊື້ອຊາດຜິວພັນທີ່ແຜ່ລາມໃນວົງກ້ວາງຢູ່ອາເມລິກາ
(VOVWORLD) -ເພື່ອເຮັດໃຫ້ກຳລັງແຫ່ຂະບວນປະທ້ວງຜ່ອນຄາຍລົງ, ໃນວັນທີ 29 ພຶດສະພາ, ອົງການທີ່ມີໜ້າທີ່ຮັບຜິດຊອບເມືອງ Hennepin ໄດ້ກັກຕົວ Derek Chauvin, ນາຍຕຳຫຼວດນະຄອນ Mineapolis ຊຶ່ງເປັນຜູ້ທີ່ກ່ຽວຂ້ອງໂດຍກົງເຖິງເຫດສັງຫານດັ່ງກ່າວ
 ຜູ້ແຫ່ຂະບວນປະທ້ວງທັບມ້າງຢູ່ Minneapolis ອາເມລິກາ (ພາບ: TTXVN) |
ໂດຍກ່ຽວຂ້ອງເຖິງເຫດໃນວັນທີ 25 ພຶດສະພາ , ມີຕຳຫຼວດຜິວຂາວຄົນໜຶ່ງຢູ່ນະຄອນ Mineapolis ໄດ້ສັງຫານ ທ້າວ George Floyd ໂດຍເປັນຊາວອາເມລິກາເຊື້ອສາຍອາຟຼິກກາ ມີອາຍຸ 46 ປີ, ໃນຊຸມວັນຜ່ານມາ, ບັນດາການແຫ່ຂະບວນປະທ້ວງຄັດຄ້ານການໃຊ້ຄວາມຮຸນແຮງຄໍ່ຄົນຜິວດຳ ບໍ່ພຽງແຕ່ເກີດຂຶ້ນຢູ່ ນະຄອນ Mineapolis ເທົ່ານັ້ນ, ຫາກຍັງໄດ້ແຜ່ລາມອອກສູ່ບັນດານະຄອນ, ລັດຕ່າງໆຂອງອາເມລິກາອີກດ້ວຍ. ໃນຕອນຄ່ຳວັນທີ 29 ພຶດສະພາ, ທຳນຽບຂາວຖືກປິດລ້ອມໃນໄລຍະສັ້ນ ພາຍຫຼັງ ທີ່ບັນດາການແຫ່ຂະບວນປະທ້ວງສືບຕໍ່ແຜ່ລາມເຖິງວໍຊິງຕັນ ດີຊີ, ນະຄອນ Atlanta ຂຶ້ນກັບລັດ Georgia ແລະ ນະຄອນ New Yord.