(vovworld) –  ຕອນ​ບ່າ​ຍວັນ​ທີ 23/3, ທີ່​ການ​ໂອ້​ລົ​ມສົນທະນາ “ການ​ພົບ​ປະກັບ​ອາ​ເມ​ລິ​ກາ” ​ໂດຍ​ຄະນະ​ກຳມະການ​ປະຊາຊົນ​ນະຄອນ ​ຮ່າ​ໂນ້ຍ ສົມທົບ​ກັບ​ກະຊວງ​ການ​ຕ່າງປະ​ເທດ ​ແລະ ​ສະຖານທູ​ດ ອາ​ເມ​ລິ​ກາ ປະຈຳ ຫວຽດນາມ ສົມທົບ​ກັນ​ຈັດ​ຕັ້ງ, ​ໄດ້ດຳ​ເນີນ​ໄປ​ຢູ່ ຮ່າ​ໂນ້ຍ. ທ່ານ ຫງວຽນ​ດືກຈູງ, ປະທານ​ຄະນະ​ກຳມະ​ການ​ປະຊາຊົນ​ນະຄອນ ຮ່າ​ໂນ້ຍ, ທ່ານ ​ເລ​ຮວາຍ​ຈູງ, ລັດຖະມົນຕີ​ຊ່ວຍ​ວ່າການ​ກະຊວງ​ການ​ຕ່າງປະ​ເທດ ​ແລະ ທ່ານ Ted Osius, ​ເອກ​ອັກຄະ​ລັດຖະທູດ ອາ​ເມ​ລິ​ກາ ປະຈຳ ຫວຽດນາມ ​ເປັນ​ປະທານ​ການ​ໂອ້​ລົມ​ສົນ​ທະນາ. ການ​ໂອ້​ລົມ​ສົນ​ທະນາມີ​ການ​ເຂົ້າ​ຮ່ວມ​ຂອງ​ການ​ນຳ 40 ​ແຂວງ, ນະຄອນ​ຂອງ ຫວຽດນາມ ​ແລະ ຜູ້ຕາງໜ້າ 50 ວິ​ສາ​ຫະກິດ​ອາ​ເມ​ລິ​ກາ ພ້ອມ​ກັບ​ຜູ້ຕາງໜ້າ ຫວຽດນາມ ​ແລະ ບັນດາ​ອົງການ​ສາກົນ.

        ກ່າວຄຳ​ເຫັນ​ໄຂ ການ​ໂອ້​ລົມ​ສົນ​ທະນາ, ທ່ານ ຫງວຽນ​ດືກຈູງ, ປະທານ​ຄະນະ​ກຳມະ​ການ​ປະຊາຊົນ​ນະຄອນ ຮ່າ​ໂນ້ຍ ທ່ານ ​ເລ​ຮວາຍ​ຈູງ, ລັດຖະມົນຕີ​ຊ່ວຍ​ວ່າການ​ກະຊວງ​ການ​ຕ່າງປະ​ເທດ ​ແລະ ທ່ານ Ted Osius, ​ເອກ​ອັກຄະ​ລັດຖະທູດ ອາ​ເມ​ລິ​ກາ ປະຈຳ ຫວຽດນາມ ຕີ​ລາຄາ​ສູງ​ຂໍ້​ລິ​ເລີ່​ມຈັດ​ຕັ້ງ​ການ​ໂອ້​ລົມ​ສົນທະນາ, ຖື​ວ່າ​ນີ້​ແມ່ນ​ກາລະ​​ໂອກາດ​ທີ່​ດີ​ເພື່ອ​ໃຫ້ 2 ຝ່າຍ​ຊອກ​ຮູ້, ພົບ​ປະ​ແລກປ່ຽນ ​ແລະ ຮ່ວມ​ມື, ສະ​​ແດງ​ຄວາມ​ເບີກບານ​ມ່ວນ​ຊື່ນ​ກ່ຽວ​ກັບ​ການ​ພັດທະນາ​ອັນ​ດີງາມ​ຂອງ​ການ​ພົວພັນ​ຮ່ວມ​ມື​ຫຼາຍ​ດ້ານ​ລະ​ຫວ່າງ ຫວຽດນາມ ​ແລະ ອາ​ເມ​ລິ​ກາ ​ໃນ​​ໄລຍະ​ຈະ​ມາ​ເຖິງ. ທ່ານ​ເລ​ຮ່ວາຍ​ຈູງ ​ໃຫ້​ຮູ້​ວ່າ​: ບັນດາ​ທ້ອງ​ຖິ່ນ ​ແລະ ວິ​ສາ​ຫະກິດ ຫວຽດນາມ ຕັດສິນ​ໃຈ​ຍົກ​ສູງ​ກຳລັງ​​ແກ່ງ​ແຍ້​ງຂອງ​ພື້ນຖານ​ເສດຖະກິດ​ຜ່ານ​ການ​ສ້າງ​ສຳ​ເລັດ​ລະບອບລະບຽບ​ການ, ຄຸນ​ນະພາ​ບ​ແຫຼ່ງຊັບພະຍາກອນ​ມະນຸ​ດ…

        ສ່ວນ​ທ່ານ Ted Osius, ​ເອກ​ອັກຄະ​ລັດຖະທູດ ອາ​ເມ​ລິ​ກາ ຢັ້ງຢືນວ່າ: ການ​ເຊັນ​ສັນຍາ​ຄູ່​ຮ່ວມ​ມື​ຂ້າມ​ ປາ​ຊີກ​ຟິກ  (TPP) ​ໄດ້​ນຳ​ມາ​ເຊິ່ງກາລະ​​ໂອກາດ​ອັນ​ໃຫຍ່​ຫຼວງ​ໃຫ້​ແກ່​ການ​ພົວພັນ​ດ້ານ​ເສດຖະກິດ​ລະ​ຫວ່າງ 2 ຝ່າຍ.