(ພາບ: http://thegioi.baotintuc.vn)

(vovworld)- ​ໂດຍ​ບໍ່​ຫົວຊາ​ຕໍ່​ຄຳ​ຮຽກຮ້ອງ​ຢຸດ​ຍິງ​ຂອງ​ປະຊາ​ຄົມ​ໂລກ, Israel ​ແລະ ຂະ​ບວນການ​ອິດ​ຊະລາ​ມຮາ​ມາດ​ຂອງ Palestin ຍັງ​ຍູ້​ແຮງ​ການ​ບຸກ​ໂຈມ​ຕີ​ຢູ່​ເຂດ​ກາຊາ​ຢ່າງ​ບໍ່​ຢຸດ​ຢັ້ງ. ​ ​ສະ​ເພາະ​ໃນວັນ​ທີ 12/7, Israel ​ໄດ້​ບຸກ​ໂຈມ​ຕີ​ທາງ​ອາກາດ​ໃສ່​ສະຖານ​ທີ່ 158 ​ແຫ່ງ​ຢູ່​ກາຊາ ​ໃນ​ຂະນະ​ທີ່​ບັນດາ​ມື​ປືນ​ຂອງ​ຮາ​ມາດ ​ເພີ່ມ​ການ​ຍິງ​ລູກ​ຈະ​ຫຼວດ​ໃສ່​ເຂດ​ດິນ​ແດນ​ຂອງ Israel. ນີ້​ຖືຖື​ວ່າ​ແມ່ນ​ວັນ​ນອງ​ເລືອກ​ທີ່​ສຸດ​ນັບ​ແຕ່ Israel ​ເລີ່​ມບັ້ນຮົບການ​ທະຫານ​ຂະໜາດ​ໃຫ່ຍກ່ວາ​ໝູ່​ໃສ່​ຊື່ວ່າ “ປົກ​ປັກ​ຮັກສາ​ເຂດ​ຊາຍ​ແດນ“ ​ໃນ​ວັນ​ທີ 8/7 ຜ່ານ​ມາ, ​ເຮັດ​ໃຫ້ຊາວ Palestin ​ເສຍ​ຊີວິດ 52 ຄົນ ​ແລະ ອີກ 20 ຄົນ​ຖືກ​ບາດ​ເຈັບ, ອັນ​ໄດ້​ຍົກ​ຈຳນວນ​ຊາວ Palestin ​ເສຍ​ຊີວິດຢ່າງ​ໜ້ອຍ​ສຸດ​ຂຶ້ນ​ເຖິງ 157 ຄົນ. ທ່ານ​ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທດ Israel Moshe Ya’alon ປະກາດ​ວ່າ Israel ບໍ່​ມີ​ເຈດ​ຕະນາ​ຢຸດຕິ​ການ​ບຸກ​ໂຈມ​ຕີ​ທາງ​ອາກາດ​ໃສ່​ເຂດ​ກາຊາ ໃນ​ຊຸມ​ວັນ​ຈະ​ມາ​ເຖິງ. Tel Aviv ຈະ​ສືບ​ຕໍ່​ຜັນ​ຂະຫຍາຍ​ທະຫານ​ລຽບ​ຕາມ​ເຂດ​ຊາຍ​ແດນ​ຕິດ​ກັບ​ເຂດ​ກາຊາ ພ້ອມ​ທັງ​ກ່າວ​ເຕືອນ​ຊາວ Palestin ດຳລົງ​ຊີ​ວິດ​ຢູ່​ພາກ​ເໜືອ​ກາຊາ ຕ້ອງ​ຍົກຍ້າຍ​ໄປ​ບ່ອນ​ປອດ​ໄພ./.