(ພາບ: anninhthudo.vn)
(vovworld) - ວັນທີ 24/04, ອຳນາດການປົກຄອງເຂດປົກຄອງດ້ວຍຕົນເອງຊິນກ້ຽງ ປະເທດຈີນ, ໃຫ້ຮູ້ວ່າ ໄດ້ເກີດການປະທະກັນລະຫວ່າງບັນດາຜູ້ທີ່ສົງໄສວ່າແມ່ນພວກກໍ່ການຮ້າຍ ແລະ ອຳນາດການປົກຄອງຊິນກ້ຽງ ໃນຕອນທ່ຽງວັນທີ 23/04, ເຊິ່ງເຮັດໃຫ້ 21 ຄົນເສຍຊີວິດ, ເຊິ່ງລວມມີກຳມະກອນ ແລະ ຕຳຫຼວດທ້ອງຖິ່ນ 15 ຄົນ ແລະ ພວກກໍ່ການຮ້າຍ 6 ຄົນ. ການປະທະກັນເກີດຂຶ້ນພາຍຫຼັງທີກຳມະກອນ 3 ຄົນພົບເຫັນບັນດາຄົນທີ່ສົງໄສວ່າແມ່ນພວກກໍ່ການຮ້າຍ ແລະ ອາວຸດຂອງເຂົາເຈົ້າຢູ່ເຮືອນຫຼັງໜຶ່ງໃນເຂດປົກຄອງດ້ວຍຕົນເອງຊິນກ້ຽງ. ບັນດາກຳມະກອນນີ້ໄດ້ຕິດຕໍ່ກັບຫົວໜ້າຜ່ານໂທລະສັບ ແຕ່ຫຼັງຈາກນັ້ນຖືກພວກສົງໄສກໍ່ການຮ້າຍຈັບຕົວ. ກຳລັງຕຳຫຼວດ ແລະ ເຈົ້າໜ້າທີ່ທ້ອງຖິ່ນໄດ້ມີໜ້າຢູ່ສະຖານທີ່ ແລະ ຈັບຕົວ 8 ຄົນທີ່ຖືກສົງໄສວ່າພວກກໍ່ການຮ້າຍ. ຕາມການສືບສວນໃນເບື້ອງຕົ້ນ, ບັນດາຜູ້ທີ່ສົງໄສວ່າພວກກໍ່ການຮ້າຍນີ້ພວມສ້າງແຜນການບຸກໂຈມຕີໃຊ້ຄວາມຮຸນແຮງ.