(vovworld) - ນີ້​​​ແມ່ນເນື້ອ​ໃນ​ຕົ້ນ​ຕໍ່​ຂອງ​ກອງ​ປະຊຸມ​ສຳ​ມະ​ນາ “ກາລະ​ໂອກາດ ​ແລະ ສິ່ງ​ທະ​ທາຍ​ສຳລັບ​ວິ​ສາ​ຫະກິດ​ຫວຽດນາມ ພາຍຫຼັງ​ລັດ​ເຊຍ ​ເຂົ້າ​​ເປັນ​ສະມາຊິກ WTO ​ແລະ ວິວັດ​ການ​ເຈລະຈາ​ສັນຍາ​ການ​ຄ້າ​ເສລີ​ລະຫວ່າງ​ຫວຽດນາມ ​ແລະ ພັນທະມິດ​ພາສີ ລັດ​ເຊຍ - ​ເບ​ລາຣຸດ - ກາຣັກສຖານ (VCUFTA)” ​ເຊິ່ງ​ດຳ​ເນີນ​ໄປ​ໃນ​ວັນ​ທີ 26 ຕຸລາ, ຢູ່​ມົດສກູ, ປະ​ເທດລັດ​ເຊຍ.

        ກ່ຽວ​ກັບ​ບັນດາຄວາມ​ສະດວກສຳລັບ​ວິ​ສາ​ຫະກິດ​ຫວຽດນາມ ​ເມື່ອ​ສັນ​ຍາ​ການ​ຄ້າ​ເສລີ​ລະຫວ່າງ​ຫວຽດນາມ ​ແລະ ພັນທະມິດ​ພາສີ​ໄດ້​ຮັບ​ການ​ລົງ​ນາມ, ທ່ານ ຟ້າ​ມກວາງ​ໜ້ຽມ, ທີ່​ປຶກສາ​ດ້ານ​ການ​ຄ້າ​ຫວຽດນາມ ປະຈຳ​ສະຫະພັນ​ລັດ​ເຊຍ ຖື​ວ່າ.

        “ທີ່ 1 ​ແມ່ນ, ​ສ້າງ​ບ້າ​ກກ້າວ​ກະ​ໂດດ​ຂັ້ນ​ໃນ​ການ​ພັດທະນາ​ການ​ພົວພັນ​ດ້ານ​ເສດຖະກິດ, ການ​ຄ້າ, ການ​ລົງທຶນອຸດສາຫະກຳ​ລະຫວ່າງ​ຫວຽດນາມ ​ແລະ ພັນທະ​ມິດພາສີ. ທີ່ 2 ​ແມ່ນ, ຫວຽດນາມ ຈະ​ຮັບ​​ເອົາເຕັກ​ໂນ​ໂລ​ຊີ​ທີ່​ທັນ​ສະ​ໄໝ, ພື້ນຖານ​ພັດທະນາ​ວິທະຍາສາດ​ເຕັກນິກ​ຢ່າງ​ແຮງ​ຈາກ​ພັນທະ​ມິດ​ພາສີ, ​ເພື່ອ​ຫັນ​ພື້ນຖານ​ເສດຖະກິດ​ຂອງ​ຕົນເປັນ​ທັນ​ສະ​ໄໝ​. ທີ່ 3 ​ແມ່ນ, ສ້າງ​ວຽກ​ເຮັດ​ງານ​ທຳ, ພັດທະນາ​ຂະ​ແໜງ​ການ​ບໍລິການ, ການທ່ອງທ່ຽວ​ກັບ​ພັນທະ​ມິດພາສີ ​ແລະ ທີ່ 4 ​ແມ່ນ, ສ້າງ​ເງື່ອນ​ໄຂ​ສະດວກ​ເພື່ອ​ຊຸກຍູ້​ແຫຼ່ງ​ເງິນ​ລົງທຶນ​ລະຫວ່າງ​ພັນທະ​ມິດ​ພາສີ ​ແລະ ຫວຽດນາມ ຢ່າງ​ແຮງ”.

        ທີ່​ກອງປະຊຸມ​ສຳ​ມະ​ນາ​ຄັ້ງ​ນີ້, ຜູ້ຕາງໜ້າ​ຂອງ​ບັນດາ​ວິ​ສາ​ຫະກິດ​ຫວຽດນາມ ປະຈຳ​ສະຫະພັນ​ລັດ​ເຊຍ ກໍ່​ໄດ້​ແລກປ່ຽນ​ລະອຽດ​ກ່ຽວ​ກັບ​​ແຜນ​ນະ​ໂຍບາຍ, ນະ​ໂຍບາຍ​ຂອງ​ລັດ​​ເຊຍ ທີ່​ກ່ຽວຂ້ອງ​ເຖິງ​ບັນດາ​ບັນຫາ​ຂອງ​ວິ​ສາ​ຫະກິດ​ຫວຽດນາມ, ປະຊາ​ຄົມ​ຊາວ​ຫວຽດນາມ ອາ​ໄສ​ຢູ່​ສະຫະພັນ​ລັດ​ເຊຍ.